Skip to main content

Ujaasinerit marluk ingerlanneqartut

Aalisartoq ningittakkersortoq Narsameersoq politiinit ujarneqarpoq, aalisartoq ippassaq ualikkut taarsinerani utersimanngimmat. Aqisserniap ujarneqarnera ullumi nanginneqassanersoq aalajangiunneqassaaq.

Ippassaq unnukkut Issittumi sakkutooqarfiup qulimiguuliutaa Seahawk umiatsiaararsorluni aalisartup ujarneqarnerani atorneqarpoq, kisianni sulineq unnuap-qeqqarnerani unitsinneqartariaqarsimavoq. Ujaasineq ullaarnganit nanginneqassaaq, Nuummi politiineersoq Kunuk Frederiksen ilisimatitsivoq.

Umiatsiaaraq qasertoq
- Ningittakkersorluni aalisartoq ippassaq ullup qeqqaanerani aalisariarpoq. Taarsisoq utersimanngimmat aalisartut ujaasinertik aallartippat, kinguneqanngitsumilli, uagut kingorna ilannguppugut, Kunuk Frederiksen Sermitsiaq.AG-mut ilisimatitsivoq.

Ujarneqartoq qasertumi Vilma 19-imik umiatsiaqarpoq, Suzuki 70-imi motorilimmik. Tassani Johannes Jensen pineqarpoq, Qaqimik taagorneqartartoq. Arlaat sumiissimasinnaaneranik nalunngisaqaruni, politiinut oqarasuaat 701448-mut saaffiginninnissamut qinnuigineqarpoq.

Aqisserniaq
Ujaasineq alla 21-nik ukiulimmut Avalequt Gunnar Jakobsenimut tunngavoq, taanna tallimanngormalli ujarneqarpoq, nunaqarfimmit Narsaq Kujallermit aqisserniarluni ingerlasimavoq. Ujaasinermi qulimiguulik aamma sakkutooqarfiup timmisartua Challenger atorneqarsimavoq.

Aqisserniamik ujaasineq suli nassaarnermik kinguneqarsimanngitsoq, Kunuk Frederiksen ilisimatitsivoq, ujaasinerlu ullumi nanginneqassanersoq oqartussat aalajangiiffigissavaat.

21-nik ukiulik Avalequt Gunnar Jakobsen tungujortumik qaatigooqarpoq, tungujortunik qarleqarluni aamma teqqialimmik nasaqarluni. Taanna timmiarsiummik nassataqarpoq, politiit ilisimatitsipput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER