Ujaasineq: Umiatsiaaraq Nuup Kangerluani nassaarineqarsimavoq

Issittumi Sakkutuulu Kalaallillu Nunaanni Politiit, Aasiaat Radioanut ajunaalernermik kallerisaarisoqarsimanera tunngaigalugu marlunngormat ujaasillutik aallartipput. Umiatsiaaraq inuttaqanngitsoq nassaarineqarsimavoq.

Marlunngormat unnukkut Aasiaat Radioanut ajunaalernermik kalerrisaarisoqarmat, qulimiguulik umiarsuillu arlallit ujasillutik aallartipput. Tamatuma kingorna politiinit innuttaasut qinnuigineqarput, ajunaalermik kalerrisaarut sumit nassiunneqarsimanersoq paasiniarlugu ikiuuteqqullugit.

- Nuup Kangerluani ippassaq angalasimasumik, sulilu angerlamut utersimanngittumik maqaasisaqarpit? Imaluunniit ajunaanermik kalerrisaarisimavit, Aasiaallu Radioanut kingusinnerusukkut nalunaruteqarnak? politiit aperipput.

Illersornissaqarfipu maajip arfineq-aappaani ullormut nalunaarusiaani allassimavoq, umiatsiaaraq nassaarineqarsimasoq:

- Ukiarsuaq nakkutilliissut Lauge Koch umiarsuarlu nakkutilliissut Triton kiisalu umiarsuup qulimiguuliutaa, Nuup Kangerluani umiatsiaaqqamik maqaasineqartumik ujaaseqataasimapput, tak. ullormut nalunaarusiaq 6. majimeersoq. Umiatsiaaraq nassaarineqarsimavoq, inuttaqanngitsorli.

Nuummi politiit pigaartuisa pisortaata Sermitsiaq.AG-mut innersuussutigaa, politiit ullumi kingusinnerusukkut tusagassiorfinnut nalunaarutissaat.

Issittumi Sakkutuut umiarsuaataasa qulimiguuliutaasalu saniatigut, politiit angallataat qulimiguulillu S61 imartami annertoorujussuarmi usaaseqataasimapput:

- Ajunaalernermik kalerrisaarinermi sumiinneq nalunaarutigineqarsimanngimmat, ullormut nalunaarusiami allassimavoq.

Powered by Labrador CMS