Ujaasineq: Umiatsiaaqqap inuttaa suli nassaarineqanngilaq
Arfininngormat Tasiusap eqqaani ujaasineq annertooq aallartinneqarpoq, Issittumili Sakutuut tammaaneqartoq suli nassaarisimanngilaat.
Annonse
Umiatsiaq inuttaqanngitsoq Avannaani Tasiusap eqqaani arfininngormat siumorneqarpoq.
Taamaammat ujaasineq aallartinneqarsimavoq.
Ulloq unnuarlu ujaasisoqareersoq, ajoraluartumik suli nassaarineqanngilaq.
Ujaasinerli suli ingerlanneqarpoq. Umiarsuaq alapernaarsuut Lauge Koch imaatigut ujaasivoq, qulimiguulillu ataaseq silaannakkut ujaasilluni.
Illersornissaqarfiup qullersaani tusagassiisartoq Sermitsiaq.AG-mut ilisimatitsivoq.
Issittumi Sakkutooqarfiup arfininngormat qulimiguulik ataaseq kiisalu timmisartoq Challenger ujaaseqataalersippai.