Ujaasineq: Nuup Kangerluanit ”Mayday” nassiunneqarsimasoq
Issittumi Sakkutuut politiillu ajunaalernermik kalerrisaarisoqarmat, marlunngormat unnukkumiit pingasunngormat unnuap tungaanut Nuup Kangerluani ujaasisimapput.
Issittumi Sakkutooqarfiup umiarsuaataa Lauge Koch Luftgruppe Vestimik peqateqarluni marlunngormat ualikkut nal. 17.25 Nuup Kangerluani ujaasisimapput. Illersornissaqarfik ulloq unnuarlu nalunaarusiamigut ilisimatitsivoq.
Ujaasineq aallartinneqarsimavoq, Aasiaat Radioata VHF-ip kanaaliatigut 16-ikkut "mayday" nassiunneqartoq tusaammagu.
Politiit angallataat qulimiguulillu annaassiniartartoq S61 ujaaseqataasimapput, Illersornissaqarfik naapertorlugu imartami annertuumi ujaasisoqarsimavoq:
- Ajunaalermi kalerrisaaryt sumi inissisimanermik nalunaarutitaqarsimanngilaq, ulloq unnuarlu nalunaarusiami allassimavoq.
Lauge Koch pingasunngornerup unnuaa ilanngullugu ujaasisimagaluarpoq.
Kalaallit Nunaanni Politiit pigaartuisa pisortaat ilisimatitsivoq, pisoq pillugu ullup ingerlanerani nalunaaruteqarnissaq naatsorsuutigineqartoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...