Ujaasineq: Angut tammaaneqartoq ajunngitsoq nassaarineqarpoq
59-nik ukiulik Emil Biilmann ajunngitsoq nassaarineqarpoq, politiit nalunaarput. Taanna septembarip 13-ani kingullermik takuneqarpoq.
Allaaserineqartoq nalunaaqutaq 13.10 nutarterneqarpoq
Angut ujaarineqartoq ajunngitsoq nassaarineqarsimasoq politiit nalunaarput nalunaaquttap 13.00-ip missaani.
- Suliamut tunngatillugu innuttaasunut politiit qujarusupput.
59-nik ukiullip Emil Biilmannip nassaarinissaa anguniarlugu politiit iliuuseqalerput attaveqarfigerusullugulu. Emil Biilmannip ilaqutaasa septembarip 16-ani tammaaneqartoq politiinut nalunaarutigaat, ulluni pingasuni takuneqarsimannginnera pissutigalugu nalunaarlutik.
- Ajunngitsoq qulakkeerniarlugu qanimut oqaloqatigerusupparput, Kalaallit Nunaanni politiini pigaartuni pisortaq Brian Thomsen Sermitsiaq.AG-mut oqarpoq.
Kangerlussuarmi sila ajussanngippat qulimiguulimmik ullumi ujaarineqassasoq Brian Thomsen ilisimatitsivoq.
Tammaaneqartup umiatsiaa Kangerlussuup eqqaani siumorneqarsimasoq politiit nalunaarput septembarip 21-ani. Politiit tassani ilisimatitsissutigaat umiatsiaq kangerlummi pitussimasoq nassaarineqarsimasoq, nassaarfiullu eqqannguani tupeqarfiusimasoq cigaritsit kimmivikuinik eqqaaniittulik takuneqarsimalluni.
Emil Biilmannili septembarip 13-anili periarfeerunneqarami suli nassaarineqanngilaq, maannalu politiit attaveqarfiginissaa sulissutigaat.
Emil Bilmann pillugu paasissutissat:
Angutaavoq, 160 centimeterit missaannik angissuseqarpoq, nerinnalluni.
Naatsunik qernertunik nujaqarpoq, isaruaqarluni.
Tungujortumik kavaajaqartarpoq, taartunik qarleqartarluni, kamippaqarpoq qernertumillu nasaqarluni.