Ujaasineq unitsinneqarpoq - angusaqarfiunngitsumik
Angut utoqqasaaq sapaatiummat umiatsiaaqqamiit imaanut nakkartoq nassaarineqanngitsoorpoq.
Politiit ataasinngormat unnukkut aalajangerput, Nuup Kangerluani angummik utoqqasaamik ujaasinertik unitsiinnarniarlugu.
Ujaasinersuaqaraluartoq angut nassaarineqanngitsoorpoq:
- Ataasinngormat ulloq tamaat politiit angallataat Issittumilu Skkutuut umiarsuaat atorlugit ujaasisoqaraluarpoq, ajoraluartumilli pineqartoq nassaarineqanngitsoorpoq, Kalaallit Nunaanni Politiit pigaartuisa pisortaat Malik Olesen ilisimatitsivoq.
Angut sapaatiummat inummik allamik aalisaqateqarluni umiatsiaaqqamiit imaanut nakkarsimavoq. Nuup Kangerluarni Sermitsiap avannaata kitaata tungaani ajunaarneq pivoq.
Sapaatiummat angut nassaarineqanngitsoormat, politiit ataasinngormat ullaakkut ajunaarsimassangatippaat. Ujaasineq ingerlatiinnarneqarsimavoq angutip timaata qaqinneqarnissaa siunertaralugu, angusaqarfiunngitsumilli:
- Ataasinngormat ujaasinersuaqaraluarpoq, angusaqarfiunngitsumilli. Tamanna tunngavigalugu nassaarisinnaanatigu isumaqarpugut, taamaammallu ujaasineq unitsiinnarneqarluni, Malik Olesen oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...