Skip to main content

Ujaasineq taarseeqqusinermik kinguneqarsinnaavoq

Niviarsiaqqat marluk ujaarineqartariaqalernerannut qanoq pisoqarsimanera Nuummi politiit suli paasiniarpaat

Niviarsiaqqat 13-nik 15-inillu ukiullit ajunngitsut sisamanngornermi nassaarineqarput ullut marluk Nuup kangerluani ujaarineqareersut. Suliarli aamma malitseqarsinnaavoq. Politiit maanna paasiniarpaat annertuumik ujaasisariaqarnermut aningaasartuutaasunik taarsiititsiniarnissamut tunngavissaqarnersoq.

Atuaruk: Niviarsiaqqat ajunngitsut nassaarineqarput

Atuaruk: Niviarsiaqqat marluk Nuup eqqaani ujaaraat

Niviarsiaqqat meeqqat angerlarsimaffianni IMP-mut attuumassuteqartut marlunngornermi ualikkut Innajuattup Nuummiit 80 kilometerit missaliorlugit ungasitsigisumiittup eqqaani aalisariarnermi nunamut niullatsiarnermi qimaapput. Sulisut ujaasigaluarnertik kinguneqanngimmat allatut ajornartumik politiinut kalerriipput.

Qimaanermut tunngaviusoq
Ujaasineq helikopteri sakkutuut alapernaarsuutaat umiarsuit marluk, politiit angallataat, qatserisartut IMP-milu sulisut peqataaffigisaannik ingerlanneqarpoq.

- Niviarsiaqqat qimaaneranni qanorpiaq pisoqarsimanera maasnna suli misissorparput taamaattumik qanorpiaq pisoqarsimanera suli oqaatigisinnaanngikkallarparput, politimestereqarfimmi unnerluussisuuneq Morten Nielsen Sermitsiaq.AG-mut oqarpoq.

Niviarsiaqqat Nuummukaanneqarput aammalu Dronning Ingridep napparsimmavissuani misissorneqarput. Niviarsiaqqat qimaanerisa nalaani qanoq pisoqarsimanera politiit maanna misissorpaat.

- Maanna misissorparput ujaasinermut aningaasartuuterpassuaqarfiusumut aningaasartuutaasunut akisussaatitsisoqarsinnaanersoq. Misissuinitsinni paaserusupparput arlaatigut iliuuserineqartut tunngaviunersut annertuumik ujaasinermik aallartitsisariaqalernermut, Morten Nielsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER