Ujaasineq ajunngitsumik kinguneqartoq
Issittumi Sakkutooqarfiup umiarsuup ingerlarnanik nalunaarsuivittaani paasissutissiviittaanilu pingasunngormat ujaasinermi misilerarpaa, tassani angallat sisamanik inuttalik ujaarineqarmat ajunngitsumik kinguneqarpoq.
- Angallat Narsamiit Paamiunukartoq tikinngitsoormat, ilaqutaasut Politiinut nalunaaruteqarsimapput. Issittumi Sakkutooqarfiup ujaasiniarluni umiarsuani alapernaarsuut Knud Rasmussen aallartissimavaa, Sakkutuut timmisartuutaat Challenger Kangerlussuarmiittoq inuinnaallu angallatigisaa Targa 27 ikiuunnissaminnik neqerooruteqarsimasut ujaasinermut peqataasimapput, Issittumi Sakkutooqarfik ilisimatitsivoq.
Knud Rasmussenimi inuttap ataatsip Paamiuni ilisarisimasallip nalunaarutigisimavaa, ujaarineqartoq nalunaaruteqarsimasut, Narsaliullu eqqaaniittumi illuaqqamiittut.
Issittumi Sakkutooqarfiup ujaasinermi atortorissaarutini nutaaq, ODISS, umiarsuup ingerlarnanik nalunaarsuiviullunilu paasissutissinermut atortoq misiligarpaa, taanna angallatip alapernaarsuutaasup qitiusumillu ingerlatsiviup akornanni sukkanerusumik pisariinnerusumillu paasissutissiinermi atorneqarsinnaavoq.
Timmisartorlu Challenger paasissutissinneqarami ujaarineqartut attavigisinnaasimavai, illuararlu isersimaffigisaat qulaavaasinnaasimallugu. Ujaarineqartut tamarmik ajunngillat.
- Suleqatigiilluartoqarpoq aamma Politiit, Issittumi Sakkutooqarfiup uagullu nammineq immikkoortortaqarfitta akornanni sukkasuumik paasissutisseeqatigiittoqarluni. Aamma inuinnaat ujaasinermi suleqataarusussuseqarnerat misigalugu nuannertarpoq, Issittumi Sakkutooqarfimmi pigaartuni officeri Thomasa oqarpoq.