Ujaarinninneq: Angut una takuiuk?
Pinerluttunut inissiisarfimmit qimaasoq 42-nik ukiulik Jens Kruse ulluni marlunni qimaaqqareersorlu, Ilulissani Politiit ujaarinnillutik nalunaarutiginnipput.
Ilulissani politiit 42-nik ukiulik Jens Kruse ujaaraat, taanna Ilulissani pinerlussimasut inissiisarfianit qimaasimavoq.
Jens Kruse pingasunngornermi qimaavoq, politiillu tallimanngornermi tamanut nalunaaruteqarlutik aqqa assingalu saqqummiullugit ujaarinninniarlutik aalajangerput.
Taanna 170-175 cm-erisut angissuseqarpoq, timaata ilusaa nalinginnaasuuvoq aamma qapeqqavoq.
Ulorianarsinnaasoq
Politiit oqarnerat naapertorlugu Jens Kruse avatangiisiminut ulorianarsinnaavoq, taamaattumik takussagaluarukku attaveqarfiginagu politiinut sianissaatit. Aammattaaq sumiinnersoq, imaluunniit sukkoorsimanersoq ilisimagukku nalunaaruteqassaatit.
Pineqaatissinneqarsimasut inissiisarfiannit qimaasunik ikiuineq, assersuutigalugu toqqortillugit, angerlarsimaffimmiitillugit imaluunniit allatut ikiorneqarnerit pinerluttuliornerusoq, tamatuma saniatigut politiit maluginiaqquaat.
