Ujaarineqartoq tigusarineqarpoq
Ujaarineqartoq Jakob Karlsen maanna qimaaqqajunnaarpoq.
Annonse
Aasianni politiit angut 27-nik ukiulik, politiit Facebookimi quppernerannut naalanngisaarluni oqaaseqartoq tigusaraat.
Jakob Karlsen Aasianni pinerluuteqartut inissiisarfinnit pingasoriarluni qimaasimasoq, kingullermik ataasinngormat qimaasoq, kisianni sisamanngornermi ulloqeqqariitsiartoq politiinit tigusarineqarpoq.
Inissiisarfimmit qimaaqqanermi nalaani Facebookimi oqaaseqaqattaarpoq, ilaatigullu Aasianniikkunnaareersimalluni oqaatigalugu.
Siullermik siorna septembarimi Aasianni inissiisarfimmit qimaavoq. Kingullermillu sisamanngormat februaarip 14-anni qimaaqqilluni, kisianni aqaguani imminut nalunaarutigivoq.