naalagaaffeqatigiinneq
Uffe Ellemann: Naalagaaffeqatigiinnermi aningaasaliissutit amerlanerulerlik
Nunanut allanut ministeriusimasoq Uffe Ellemann-Jensen atuakkiamini eqqaamasalersaarutaasumi nutaami kapitalimik ataatsimik Kalaallit Nunaannut immikkoortitaqarpoq. Tassani Danmarkimi naalakkersuisut kaammattorpai avannaarsuani aningaasanik amerlanernik atueqqullugit
Uffe Ellemann-Jensen 76-inik ukioqalersimavoq, taavalu qimagunnissap piareersarnissaanut atuakkamillu eqqaamasalersaarutaasumik allannissamut piffissanngorsinnaavoq. Matumani atuakkami eqqaamasalersaarutaasumi 'Som blad i høst'-imi Kalaallit Nunaat pillugu eqqaamasalikkersaaruteqarpoq.
Avissaarusunneq maannakkorpiaq atuuttoq nuannaarutiginngilaa. Tamanna annikilliimisinneqassappat Danmarkimit Kalaallit Nunaanni aningaasaliissutit amerlanerunissaat ilaatigut pisariaqartoq, naliliivoq.
Danmarkilu Naalagaaffeqatigiinnermit tunuarpat anisinneqarpalluunniit taava allat politikkikkut pissaaneqarnermi imaaruttup iserfiginisasanut piareersimasut arlaqarput. Pingaartumik USA, Kina aamma Rusland. Isumannaallisaanikkut politikkimi imaqanngissutsimik pilersoqarpat, tamanna allanit qaaqqusinertut paasineqarsinnaavoq, Uffe Elemannn-Jensen allappoq.
- Kalaallit Nunaata nunarsuarmiut aaqqiagiinngissuteqarneranni ajornartorsiulinnginnissaa pingaaruteqarpoq. Tamanna ajunnginnerpaamik pinaveersimatinneqarsinnaavoq Danmarkip naalagaaffeqatigiinnermik attasiinnarneratigut malugalugulu kalaallit ulluinnarni inuuneranni isumalimmik malugineqarsinnaasumik iliuuseqarnermigut. Tamanna Danmarkimut aningaasanik akeqassaaq. Kisiannili soqutiginninneq paasinninnerlu aamma pisariaqarlutik, inerniliivoq.
Allaaserineqartoq aviisimi AG-mi tamakkiisoq atuarneqarsinnaavoq. Aviisi uani pisiaiuk: