Pinngortitami ajunaarnersuaq
Uani ikiuussinnaavutit
Pinngortitami ajunaarnersuarmut atatillugu katersuiniarnerit arlallit ingerlanneqarput. Aajukuli katersuiniarluni ingerlanneqartut.
Ajunaarnersuarmut eqqugaasunut ikiuukkusuttorpassuaqarpoq.
- Naalakkersuisoqarfiit assigiinngitsut aamma Qaasuitsup Kommunia ulluni makkunani inunnit, peqatigiiffinniit, kattuffinniit, suliffeqarfinniit allaallumi nunat allat oqartussaasuiniit saaffigineqaqattaarput. Tamakku tamarmik aningaasatigut, atisanik atortunillu allanik katersuiniussinertigut Uummannami eqqaanilu eqqugaasunut tapersiinissartik siunertaralugu saaffiginnittarput, Namminersorlutik Oqartussat tusagassiuutinut nalunaarummi allapput.
Nuugaatsiami eqqugaasut katersiniunneqarnerisa ataqatigiissaarneqarnissaat Kalaallit Røde Korsiata Qaasuitsup Kommunia suleqatigalugu ataqatigiissaarniarlugu iluuseqarpoq.
Danmarkimiikkaanni Dansk Røde Korsip SMS-kkut katersuiniarnerani tapiisoqarsinnaavoq. GRØNLAND 1240-mut SMS nassiuguk 100 koruunimillu tapiissuteqarlutit. SMS-erneq naliginnaasumik akeqarpoq. Katersuiniarnermi nalunaaquttap akunneri pingasut ingerlareernerini aningaasat tapersiutitut 265.000 koruunit katersorneqarsimapput.
Kalaallit Nunaanniittulli Kalaallit Røde Korsiat Tele Post suleqartigalugu SMS-kkut aamma ketersipput. 1880-imut SMS-ersinnaapput uku allallugit: IKIU 25 –25 kroninik ikisiniaraanni, IKIU 50 –50 kroninik ikisiniaraanni, IKIU 150 –150 kroninik ikisiniaraanni.
Tamatuma saniatigut GrønlandsBanki BankNordikikkilu katersuiniarnermut atatillugu kontomik ikisiffigineqarsinnaasunik pilersitsimapput.
GrønlandsBankip katersuiniarnermi kontoa: 6471-1570134
BankNordikkip katersuiniarnermi kontoa: : 8120-3061822126
Namminersorlutik Oqartussat taamatuttaaq immikkut ittumik tapiissuteqarusuttunut kontomik pilersitsisimavoq.
Aammattaaq Islandimi katersuiniartoqarsimavoq, ullumilu aningaasat 300.000 koruunit sinnerlugit katersisoqareersimalluni.