Uamiarsuarmik atsiineq tivanermik aallarnerneqartoq
Roayl Arctic Linep umarsuaataa nutaajunerpaaq, Nanoq Arctica, tallimanngormat aterneqarpoq, tamannalu pivoq Tasiilap umiarsualiviani.
Tallimanngormat Tasiilami nuannattoqarpoq, tassa Nanoq Arctica illoqarfimmut tikimmat umiarsuaq atserneqarpoq, tivasoqarluni erinarsoqatigiillu tusarnaartitsillutik.
– Nanoq Arctica umiarsuarni anginerpaanngilaq. Nanoq Arcticali tikittagassaminut annertuumik pingaaruteqarpoq. Pingaaruteqassusialu usiinit angineroqaaq. Nanoq Arcticami takorluukkanik aamma nassataqarpoq. Ineriartornissamik, periarfissanik nutaanik piffiillu nutaat pillugit takorluukkat, ingerlatsinermut pisortaq Ivalu Kleist, Royalo Arctoc Linep nittartagaa naapertorlugu, ammaalluni oqalugiarami ilaatigut taama oqarpoq.
Atsiisoq
Umiarsuarmik atsiisup Debo Mikaelsenip oqalugiarami oqaatigaa :
– Nanoq Arcticamut neriuutigaarput suleqatigiinneq annertooq, tassaammammi nukissamik tunisisussarput. Qatsungasumi mallersumilu angalalluarna. Atserpakkit Nanoq Arctica.
Debo Mikaelsenip - pisarnertut - champagne umiarsuup saneraanut kuillugu atserpaa, tamatumalu kingorna kaffillertoqarlunilu kaagillertoqarpoq nipilersortunillu aamma aliikkusersuisoqarluni.