Uagut kulturikkut kingornussarput
Qilaat tassaavoq siulitta nipaat, tamannalu kristumiussusermut attuumassuteqanngilluinnarpoq, taamatut isumaqarpoq tivasartoq Leif Saandvig Immanuelsen.
Tivasartumit Leif Saandvig Immanuelsenimit politiki ilagiinni suliaqarnermi akulerunneqassanngilaq, taamatullu Markus E. Olsenimit iliuuserineqartup nassuiarneqarnissaa kissaatiginngilaa, taanna Kalaallit Inuiattut Ullorsiorfianni oqaluussinerminut ilanngullugu ilagiinnut tivatitsigami. Tamanna palasip Markus E. Olsenip palaseqarfimmit suliunnaarsinneqarallarneranik kinguneqarpoq.
Aviisi AG taama allappoq.
Tamannalu taamatorluinnaq issaaq, Leif Saandvig Immanuelsen isumaqarpoq, taassuma Kalaallit Nunaanni ilageeqarneq arlalinnik isumaqarfigaa. Nulia teologimi atuarpoq, namminerlu Nuummi ilagiinni qinigaasimavoq. Aamma oqaluffimmi kuisillunilu apersortippoq aammalu katilluni.
- Ilagiinnut ilaasortaaginnarnissara eqqarsaatigaara, kisianni tamanna massakkut pisumut palasimut suliunnaarsinneqartumut attuumassuteqanngilaq. Nunatsinni ilagiit pillugit eqqarsaatikka tassaapput, tamanna nunamit allameersuummat kalaallillu kulturiannut tulluanngitsoq. Taamatut oqarninni isumaga tassaavoq uagut kulturerput ilageeqarnermit pisoqaanerusoq. Qilaat ukiuni 5.000-ini atorparput, tamannalu uanga alutoriuaannarpara, Leif Saandvig Immanuelsen nassuiaavoq, ullumikkut tivanermik aamma katsorsaanermik ingerlataqartoq.
Aviisimi AG-mi atuarnerusinnaavutit. Aviisi uani pissarsiariuk: