Saqqummersitsineq
Tyskip assiliivianit Nuuk isigalugu
Danskit Berlinimi aallartitaqarfiat maannakkut Tyskip assiliisup Sven Zellnerip assilisaanik saqqummersitsivoq. Saqqummersitaq ''Greenlands Future Generation''-imik taaguueqarpoq - tassa Kalaallit Nunaata siunissami kinguaariivi.
Annonse
Sermeq aakkiartortoq aamma nannut angisuut sammineqanngillat, kisianni meeqqat inuusuttullu Nuummi ulluinnarni inuunerat saqqummersitami sammineqarpoq.
Assiliisoq Kalaallit Nunaat allatoqqinnaaq nunanit allaneersut nalinginnaasumik ilisarisimasaannut sikulimmut pinngortitarujussuarmut allaanerusumik assiliartaliiniarsarivoq.
Münchenimi docenti
Sven Zellner 39-inik ukiulik Slesvig-Holstenimeerpoq, assiliisutut piviusulersaarutinillu filmiliortutut ilinniarsimavoq. 2009-imili Münchenimi universitetimi docentitut sulivoq.
Kalaallit filmiliortartut filmfestivalimut Berlinalemut aallartitat peqataanerinut atatillugu saqqummersitsineq sapaatip-akunnerani kingullermi ataasinngornermi ammarneqarpoq.