ikiuineq
Tyfonip eqqugaanut 50.000 koruunit
Kalaallit Røde Korsiata Nuummi immikkoortoqarfia Filippinerinut aningaasanik tunniussaqarpoq imermut minguitsumut atugassanik
Inuppassuit tusintilikkaat anorersuarujussuup tyfonip Filippinerinut pitoraattup eqqaorpai. Aseruatitertorpassuit pissutigalugit inuppassuit minguitsumik imissaaleqipput. Kalaallit Røde Korsiata Nuummi immikkoortoqarfia tyfonip eqqugaanut aningaasanik tunissuteqarpoq.
Kalaallit Røde Korsiat 50.000 koruuninik Filippinerinut nassiussivoq.
- Aningaasat tunissutit ikiuinissamut aalajangersimasumut atorneqarnissaat siunniunneqarpoq, tassalu ilaqutariit meerartallit imermik eqqiluitsumik imigassaannut atorneqassasut. Aningaasat Rødekorsip Nuummi immikkoortortaanit tunissutigineqartut tamarmik pisiniarfimmit atornikuusivimmiit isertitat sinneqartoorutaanneersuupput. Pisiniarfimmilu pisiniartartorpassuatta ilagivaat Filippinerit Nuummut nunassissimasut, Kalaallit Røde Korsiata allattoqarfiani pisortaq Kirsten Mortensen nalunaarpoq.