TV2-p Múte B. Egede pillugu ilanngutassiani ajuusaarutigaa
Múte B. Egede Inatsisartunut qinersinermi ajugaarujussuaannanngilaq, aammali TV-kkut aallakaatitassiorfiup TV2-p pingaarnertut inuttaralugu ilanngutassiorsimaneranik ajusaartilersimavaa.
TV2-p IA-mi siulittaasoq Múte B. Egede nammineq suliffeqarfiutiminut MK AGRO-mut "uumasut nerisassaannik, Kujataanilu naatsiianik naggorissaatinillu tuniniaasartumut sunniuteqarsinnaasumik politikkikkut ataatsimiinnermi aalajangeeqataasimanermigut" suliamut attuumassuteqarpallaarnerminik nalunaaruteqarsimannginnera pillugu tunngavissaqanngitsumik ilanngutassiaqarsimanini ajuusaarutigaa.
Uppernarsaatissaqannginneq
TV-kkut aallakaatitsisarfik nittartakkamigut allappoq, ”ilanngutassiap attuumassuteqarpallaarsimaneraanermut tunngassuteqartup uppernarsaatitaqanngitsumik saqqummiunneqarnera kukkuneruvoq. Ilanngutassiallu Egedemut oqaaseqarfigitinnagu saqqummiunneqarsimanera aamma erseqqissumik kukkuneruvoq”.
Eqqortuuneranik misissuisoqarsimanngitsoq
Danmarkimi tusagassiisarfissuup peqatigitillugu oqaatigaa, ilanngutassiaq pineqartoq TV-kkut aallakaatitsisarfiup ”ileqquusutut eqqartuunersoq misissorsimanngikkaa”, taamaammallu ilanngutassiaq qanorlu pisoqarsimanersoq ajuusaarutigineqartoq.