Skip to main content

Tv-liortut Manchester Unitedimik aamma Citymik nuannaartorinnittunik ujartuipput

Tv-kkut aallakaatitassiaq nuannarineqartup nunarsuaq pillugu aamma tuluit arsaattarnerannik kulturi pillugu aallakaatitsiniarpoq. Kalaallit nuannaartorinnittut ujartorneqarput

Premier League isikkammik arsarluni unammiuaarneq nunatsinni misigissuseqarfigineqarnerpaagunarpoq.

Aammalu nunarsuaq tamakkerlugu Kalaallit Nunaanni nuannaartorinninnermik kulturerput nukittooq nammineq misigisanik oqaluttuarfigissallugu periarfissaqarpiarneq ajorpoq.

Nunat sisamat tikeraaleraat
Isikkammik arsarnerup silarsuaani annertuut Manchester Ciy aamma Manchester United marsip 20-ani nalunaaqutaq tallimanut unammilerpata, uanmminermi kalaallit annertunngitsumik immaqa malunnaateqassapput.

Tuluit Nunaanni tv-liortut maanna taakkununnga timersortartunut nuannaartorinnittunik ilanngutassiamut ujaarlileruttorput, taanna nuannaartorinnilluinnartunut nunanit tamalaaneersunut tunngassaaq.

United aamma Citymik nuannaartorinnittut Sydafrikameersut, Jamaicameersut aama Kinameersut aallakaatitassiami peqataassapput - aammalu Kalaallit Nunaanneersut.

Premier League World
Tv-liortut nunani taakkunani sisamani ataatsikkut najukkaminni illersuisut malinnaaffigineqarnissaat, aamma sooq taakkorpiaat illersornerlugit apersorneqarnissaat, nunallu kulturianik aamma avatangiisiinik saqqummiussinissaq eqqarsaataavoq.

Aallakaatitassiaq 'Premier League Worldimik' taaguuteqarpoq, nunarsuaq tamakkerlugulu aallakaatinneqartarpoq.

Visit Greenlandip maanna tv-liortut attaveqaateqarnerannik ilanngutassiornissaannut ikiorpaat.

- Taakkunannga holdinik nuannaartorinnittut - tamarmik pingasulluunniit - apersorneqarusukkunik aamma Kalaallit Nunaanni isikkammik arsarnermik qanoq nuannarinnitsiginersugut takutitserusukkunik, ingammik tuluit arsaattuinik, uannut tuaviortumik allapallattoqarsinnaavoq, malik@greenland.com, Malik Milfeldt Visit Greenlandimeesoq qinnuiginnippoq.

Premier Leaguemi siornatigut maani ajugaanersiortoqartareerpoq.

Kalaallit Nunaannit nersorinninneq
- Ukiut arlaqanngitsut matuma siorna Nuummi ajugaanersiortoqarmat puigorneq ajorpara, taamani sæson '12-'13-imi Manchester United pissartanngormata biilerpassuit siggartarlutik ingerlaarput, klubbillu erfalasuinik igalaakkut erfalatitsillutik. Taamatut pimoorussineq ujartorneqarpoq, kisianni aamma Kalaallit Nunaata sinnerani tamanna takussaavoq, nuannaartorinnittut soorlu Uummannameersut, Tasiilameersut aamma Sisimiuneersut tusarfiginissaat neriuutigaara.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER