Tuttunniaq Paamiut eqqaani toqusoq
Angut 48-nik ukiulik arfininngornermi Paamiut eqqaani tuttunniartilluni toquvoq. Pisoq arlaannik pasinartoqanngilaq, Kalaallit Nunaanni Politiit ilisimatitsipput.
Politiit arfininngornermi nalunaaqutaq 15.34 aavartunit nalunaarfigineqarput, angut 48-nik ukiulik Paamiut eqqaani piniartilluni uppissimasoq.
Politiit qaterisartullu angut angallammik aavaat Paamiunukaallugulu, tassanilu misissorneqarpoq.
- Toqunera arlaannik pasinartoqanngilaq, kisianni pisoq suli misissuiffigaarput, Kalaallit Nunaanni Politiini pigaartut pisortaat Jan Geisler, Sermitsiaq.AG-mut taama oqarpoq.
Ilaqutaasut ilisimatinneqarput.