Skip to main content

Tusass illoqarfinni pingasuni 5G-mik attaveqaasiilersoq

Sisimiuni, Maniitsumi Narsamilu 5G-mik attaveqaateqarneq misilerarneqartussanngorpoq. Sverigemeersoq Ericsson pilersuisoralugu Nunatsinni ledningeqanngitsumik atuisoqalissasoq. Tusassimit ilisimatitsissutigineqarpoq.

Filmimik, nangeqattaartulianik arsaattunillu isiginnaarniarluni spil-erniarlunilu internettip arriittarnera attaveqanngittarneraluunniit nukillalaarnartarsinnaavoq, taamaammat attaveqaatit pitsaanerusut pisariaqarput. 2018-imi flaterate 4G Kapisilinni misilerarneqarpoq, kingusinnerusukkullu nunarmi tamarmi atuutsinneqalerluni.

Pilersaarutaavoq Tusassimit 5G-mik attaveqaasiisoqarneratigut pitsaanerusumik attaveqartitsilernissaq, nioqqutit nutaat kingusinnerusukkut saqqummiunneqassapput.

Sisimiuni, Maniitsumi Narsamilu 5G teknologi msilerarneqassaaq, illoarfinut allanut siaruaatsinnagu. Tusass-imit Sisimiunukartoqarpoq, taakku Ericsson-imi Netgear-imilu sulisut nunami maani 5G-mik attaveqaasiiniarnermi suleqataasimasut peqatigalugit pilersaarummik saqqummiussissapput. 

- 5G-mik tunisassiat illoqarfinni pingasuni siullerni novembarip aallaqqaataaniit neqeroorutigisinnaalissavagut, innuttaasut ADSL-itoqqatik 5G-mik taarsersinnaalissavaat, Tusass-imi pisortaaneq Kristian Reinert Davidsen tallimanngornermi tusagassiortunik katersortitsisoqarmat oqarpoq.

Femte generation 

5G mobilit attaveqaataanni ineriartortitat tallimassaraat, ledningitaqanngitsunillu attaveqaasersuutinut teknologiulluni ineriartorteqqitaq. Teknologi taanna atorlugu kabeleqanngitsumik bredbåndilli aqqutigtalugit oqarasuaatikkut internettertoqarsinnaavoq. Teknologip nutaap atuutsinneqalernissaa pisariaqalersimavoq, nunamimimi maani attaveqaat ADSL naammakkunnaariartulersimavoq, tassani 2020-mi 15.700-t atuisuusimapput.

Sukkassuserli annertusitinniaraanni eqqarsaatigisassaqartoq, Kristian Reinert Davidsen oqaluttuarpoq.

- Nunani allani fiberkabelit nunamut matoorunneqarsinnaapput, tamannali Kalaallit Nunaanni ajornartupilussuullunilu imminut akilersinnaanngilaq. Taamaammat Kalaallit Nunaata annersaani attaveqaat ledningitaqanngitsoq 5G atuutsinneqalissaaq, Tamatuma malitsigisaanik, inoqutigiinnut ataasiakkaanut fiberkabelit Tusass-imit atassusersorneqassaanngillat. Tamannali modem-inut atatillugu piumasaqaateqarfiunerussaaq.

Tusass-imit taamaammat suliffeqarfik Netgear modem-inik nutaanik attaveqarnissamut qulakkeerinnittussanik pilersuisorineqarnissaa isumaqatigiissuteqarfigineqarsimavoq.

Aningaasaliissuteqartoqartariaqartoq

Internettemut attaveqaatit pitsaanerunissaat qulakkeerniarlugu qaqqat qaavini illoqarfinnilu attaveqaasersuinissamut annertuunik aningaasaliissuteqartoqarnissaa pisariaqartoq, Tusass-imit bredbåndit inuiaqatigiit aningaasaqarnerannut iluaqutaasussaasut misissuisimanerup takutissimagaa oqaatigineqarluni erseqqissaassutigineqarpoq.

Tusass 5G-mik atuutsitsilerniarneq ilaatigut qulakkeerniarlugu attaveqaasersunissamut katillugit én milliard koruuninik aningaasaliissuteqarsimavoq. Taamatulli ittumut qanoq annertutigisunik aningaasaliissuteqarsinnaaneq naatsorsoruminartuaannanngilaq, assersuutigalugu Air Greenlandip timmisartussaasa nutaat Kalaallit Airportsilluunniit timmisartoqarfiliornerata naatsorsoruminaassimanerattulli, Tusass-imit oqaatigineqarpoq.

Tusass-imit ilisimatitsissutigineqarpoq, attaveqaatinik misileraaneq tunisassiallu pitsaanerusut Nuummiinnaanngitsoq isumagineqassasut, Kalaallit Nunaat tamakkerlugu atuutsinneqarnissaa pingaartinneqarmat. Narsami imaatigut kabeleqanngitsumi sukkassutsinik pitsaanerusunik aamma neqerooruteqarpoq.

Tusass-imit Nukissiorfiit ledningiutaat aqqutigalugit Qaqortumut fiberiusumik attaveqaammik annertusiinissamut aningaasaliisoqarsimavoq.

Illoqarfiit 5G-mik attavilerneqartussat

Allartiffiussusssat: Sisimiut, Maniitsoq og Narsaq

Tullinnguuttut: Ilulissat, Nanortalik, Nuuk, Paamiut, Qaqortoq, Qasigiannguit, Qeqertarsuaq, Upernavik, Uummannaq aamma Aasiaat.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER