Suliniummit nutaamit Godthåb Jagtforeningip Nuummi ooqattaasartarfiutai illuartinneqassapput, sumiiffimmi inissialiortitertoqarsinnaaqqullugu.

Illoqarfimmik ineriartortitsinissamik suliniummut angisuumut Sermeq Citymut atatillugu Kommuneqarfik Sermersooq Godthåb Jagtforeningip ooqattaasartarfiutaasa nuunneqarnissaannik suliniummik tusarniaassutiginnippoq.

Suliniummut tunuliaqutaavoq suliffeqrfk Prime View, Jeanette Sandy Shalmimit pigineqartoq00.

Prime View Jagtvejip isuani, Jagtforeningip ullumikkut ooqattaasartarfiuteqarfigisaani, inissianik 250-it missaannik sanaartornissamik kissaateqarpoq.

Taakkununngat taartitut Prime View Aanaap Illuata mittarfiup tungaanut aqquserngup eqqaaniittup ungasinngisaanik ooqattaasartarfinnik nutaanik pilersitsiniarpoq.

- Suliniut kommunip sumiiffimmut periusissiaanut pilersaarutaanullu pingaarnernut naapertuuppoq, Kommuneqarfik Sermersooq suliniummut atatillugu qinnuteqaat pillugu allappoq.

Biathlonimi ooqattaasartarfik ilaatinneqartoq

Ooqattaasartarfiit nutaamik inissisimaffeqalerneranni pitsaaqutissat suliniuteqartumit atortussani ima erseqqissaatigineqarput:

• Sumiiffik atorneqanngilaq
• Sumiiffik najugaqarfigissallugu piukkunnartuunngilaq, mittarfimmit nipiliornerup killeqarfiata iluaniikkamiOmrådet er nordvendt, så skytterne ikke får solen i øjnene
• Sumiiffik ooqattaasartarfiit marluk, peqatigiiffiup illuutaata biilinillu inissiisarfiup tamaani inissaqarnissaannut naammattumik angissuseqarpoq
• Suliniut sisoraaserluni ooqattaasarnermi – biathlonimi – ujakkaartartut peqatigiiffiannut NSP-mut ooqattaasartarfimmik pilersitsinissamut aamma inissaqarpoq.

- Nunani allani sisoraaserluni ooqattaasarnermi cal. .22-nik ooqattaasartarfiit illoqarfiup ungasinngisaani amerlanertigut pilersinneqarsimasarput. Sumiiffik Aanaap illuata eqqaaniittoq siunertamut piukkunnassuseqarluarpoq. Aallaqqaammut luftbøssenik ooqattaasartarfimmik sanasoqarnissaa kissaatigineqartoq, suliniut pillugu atortussani allassimasoqarpoq.

Innuttaasut soqutigisaqartullu alla februarip 15-iat nallertinnagu suliniut pillugu periarfissanik allanik, oqaaseqaatinik akerliliissutinillu Kommuneqarfik Sermersuumut saqqummiussisinnaapput.

Nutaarsiassat

Kommuneqarfik Sermersuup Tusassillu Tasiilap atuarfiani internetersinnaaneq pitsaanerulersippaat

Tusassip Kommuneqarfik Sermersuullu suleqatigiillutik Tasiilami atuarfiup attaveqarfianik Attammik atuisinnaaneq pitsaanerulersippaat. Attavimmik 20 mbit-imiit 100 mbit-imut qaffaaneq...

Kommunip paaqqinnittarfiini atuarfiup kingorna ornittakkanilu sulisut pikkorissartut

Nuummi paaqqinnittarfinni kiisalu atuarfiup kingorna ornittakkani sulisut ilinniagaqarsimanngitsut piginnaanngorsaqqinneqarnertik sapaatit akunnerisa qulinganni aallartippaat....