Skip to main content

Tusarniaaneq: Utoqqaat Illersuisuat nammineq allattoqarfeqalissaaq

Naalakkersuisut kissaatigaat, Utoqqaat Illersuisuata kiffaanngissuseqarnera nukittorsarneqassasoq, illersuisullu allattoqarfissaanik pilersitsilersaarlutik. Siunnersuut aqangu juulip 22-ata tungaanut tusarniaassutigineqarpoq.

Utoqqaat Illersuisuat allatseqarluni nammineq allattoqarfittaassaaq. Naalakkersuisut nutaamik siunnersuuteqarlutik maanna tusarniaassutigineqartumi tamanna anguniarpaat.

Naalakkersuisut naapertorlugit allattoqarfiup Utoqqaat Illersuisuata kiffaanngissuseqarnerulernissaa qulakkiissavaa.

- Utoqqaat illersuisuannut allattoqarfimmi atuuffigisap Isumaginninnermut aqutsisoqarfimmit isumagineqarunnaarnera allannguutini siulliuvoq. Paarlattuanik Utoqqaat illersuisuat nammineq allattoqarfittaassaaq, taamaalillutik Utoqqaat illersuisuata suliassai illersuisarfiit sinneri assigalugit kiffaanngissuseqartumik isumagineqarsinnaassammata, utoqqaat illsersuisuat pillugu inatsisip allannguutissaatut siunnersuummut nassuiaatini allassimavoq.

Allannguutit aappaat tassaavoq, Utoqqaat illersuisuata Isumaginninnermut aqutsisoqarfimmi inissisimaffigisaanik nalilersuisarneq pillugu piumasaqaammik atorunnaarsitsinissaq, inatsimmi allannguutit malillugit tamanna pisariaarutissammat.

Søger ældretalsmand

Isumaginninnermut Naalakkersuisoqarfimmit juunip qaammataani ilisimatitsissutigineqarpoq, utoqqaat illersuisorisimsaata februaarip qaammataani tunuarsimanera pissutigalugu, naalakkersuisoqarfik utoqqaat illersuisussaannik nutaamik pissarsiortoq.

Utoqqaat illersuisussaata nutaap allatseqarluni allattoqarfeqarnissani aamma inatsisilerinikkut aningaasaqarnikkullu misissueqqissaarinernik il.il. suliassanik aalajangersimasunik isumaginnittussanik inunnik sulianik aalajangersimasunik isumaginnittartussanik sulisoqalernissani qilanaarisinnaavaa. Siunnersuummittaaq nammineq inissanik attartorsinnaanermut aningaasanik immikkoortitsisoqarsimavoq.

Allattoqarfiup aningaasaqarnissaa imatut aaqqiiffigineqarsimavoq:

Allattoqarfimmik pilersitsineq: 0,1 mio. kr.

Allattutut atuuffiup isumaginissaanut sulisoq ataaseq: 0,5 mio. kr.

Inunnik sulianik aalajangersimasunik isumaginnittartunik piffissamut killilikkanik atugassaqartitsisoqarluni atorfinitsitsinerit: 0,25 mio. kr.

Init attartornerinut, sillimmasiinernut, kiassarnernut il.il. atugassatut aningaasat immikkoortitat: 0,2 mio. kr.

Utoqqaat Illersuisuat pillugu inatsisip allaannguutissaatut siunnersuut pillugu tusarniaaneq juulip 22-ata tungaanut ingerlanneqarpoq. Naalakkersuisut utoqqaat illersuisussaannik nutaamik suli toqqaasimanngillat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER