Skip to main content

Tusarniaaneq: Meeqqat illersuisuat ukiorpassuarni ingerlaqqissinnaasariaqarpoq

Aviâja Egede Lyngep maanna atorfeqarnera 2021-imi qaangiuppat, meeqqat illersuisuattut ingerlaqqinnissamut periarfissaqassaaq. Naalakkersuisut taama siunnersuuteqarput.

Maanna inatsisit atuuttut atuutiinnassappata, juunimi 2021-mi Aviâja Egede Lynge meeqqanut illersuisuujunnaassaaq.

Kisianni tamanna allanngortinneqassaaq, isumaginninnermut naalakkersuisoqarfiup inatsisissatut siunnersuutaa maanna tusarniaassutigineqaleqqammersumi tamanna atuarneqarsinnaavoq.

Ullumikkut inatsit malillugu, meeqqat ilersuisuat ukiut pingasukkaarlugit toqqarneqartarpoq. Pineqartoq piffissami ataatsimi toqqarneqaqqissinnaavoq; kisianni ataasiaannarluni. Tassa imaappoq, meeqqat illersuisuat ukiuni arfinilinni annerpaamik atorfeqarsinnaatitaavoq.

Inatsisissatut siunnersuummi nutaami meeqqat illersuisuata suliai naammagisimaarneqarpata, killeqanngitsumik toqqaneqarsinnaanngussaaq. Tamatuma saniatigut piffissaq ukiunit pingasunit sisamanut sivitsorneqassaaq.

Inatsisissatut siunnersuummi nutaamut oqaaseqaatini atuarneqarsinnaavoq, maanna killilersuinerit pissusissamisuunngitsutut misilittagaqarnikkut nalilerneqartoq.

- Meeqqat illersuisuannut aamma MIO-mut tatiginninnerup ilisimanninnerullu alliartortinnissaa piffissamik pisariaqartitsisuummat pingaaruteqanngitsuunngilaq. Innuttaasut, pingaartumik meeqqat, inummut aalajangersimasumut MIO attuumassuteqartissinnaammassuk, matumani suliffeqarfimmut taassumalu kimulluunniit attuumassuteqannginneranut ataqqinninnermut nukittorsaataavoq. Aammattaaq kina imminnut sinniisuunersoq aamma piginnaatitaaffitik unioqqutinneqartut ulorianartorsiortinneqartulluunniit misigitillutik sumut saaffiginnissanersut suliffeqarfiup meeqqanut paasinarnerulersissavaa, oqaaseqaatini tamanna oqaatigineqarpoq.

Nutaamik eqqarsaqqinnissamik suli piumasaqarneq

Naak Aviâja Egede Lyngep aqqa siunnersuummi taaneqanngikkaluartoq, oqaaseqaatit allatut atuaruminaapput, tassa 2021-p kingorna toqqarneqaqqinnissamut periarfissaqarluarpoq.

- Meeqqat illersuisuata qasseriarluni toqqagaaqqissinnaanera killiliivigineqarnerata aammattaaq malitsigisinnaavaa, Meeqqat illersuisuannik ingerlalluartumik taarsiineq inummik suliassanik isumaginninnissamut piukkunnaateqannginnerusumik, tassa piffissaq atuuffik qaangiummat toqqagaaqqinnissamullu periarfissaqanngimmat.

Taamaattorli meeqqat illersuisuata piffissap qaangiunnerani toqqagaaqqinnissani qulakkiivissinnaanngilaa.

- Matumani suli aalajangiisuussaaq, Meeqqat illersuisuata nutaamik eqqarsariaaseqarnermik suliniutinillu aallartitsisinnaanermik piginnaassuseqarnera. Piumasaqaatit taakku piumasaqaatitut suli ingerlanneqassapput, Meeqqat illersuisuannik toqqaanermut atatillugu pingaartinneqarlutik isiginiarneqartussat, matumani toqqagaaqqinneq imaluunniit Meeqqat illersuisuattut nutaatut toqqarneqarneq apeqqutaatinnagu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER