Tusarfik tutsuiginartoq: USA Ilulissani mittarfimmut 1 milliardimik aningaasaliiniarpoq
USA-p Ilulissani mittarfissuassamut nutaamut immikkut 2.800 meterinut takissuseqalersinneqartussamut Amerikamiullu sakkutuuisa timmisartunik angisuunit mikisunik miffigineqarsinnaasussamut 1 milliard koruunit missaannik aningaasaliinissamut piareersimanera ilimanaateqarluinnalerpoq.
USA-p Ilulissani mittarfissuassamut nutaamut immikkut 2.800 meterinut takissuseqalersinneqartussamut Amerikamiullu sakkutuuisa timmisartunik angisuunit mikisunik miffigineqarsinnaasussamut 1 milliard koruunit missaannik aningaasaliinissamut piareersimanera ilimanaateqarluinnalerpoq.
Tamanna Sermitsiap tusarfimmit tutsuiginartumit paasivaa.
Kalaallit Nunaanni siunissami qaninnerusumi unngasinnerusumiluunniit aningaasaliissuteqarnissaq eqqarsaatigalugu aningaasaliiniarneq Amerikami illersornissamut ministereqarfimmit Pentagonimit nalinginnaanngitsumik pitsaalluinnartumik neqeroorutaavoq.
Aningaasaliinerit aqqutigalugu USA-mi sakkutuut timmisartortut, US Air Forcep timmisartui malersuutit timmisartullu assartuutit angisuut Herculesit Ilulissani mittalernissamut periarfissinneqassapput.
Amerikamiut iliuuseriniagaat aqqutigalugu taamaalilluni Ilulissanit mittarfiup 2.200 meterinit Kalaallit Airportsimit aamma Namminersorlutik Oqartussanit pilersaarutigineqartunit 600 meterinik takininngorlugu sananeqarsinnaanissaa ilimanaateqalerpoq.
Allaaserineqartoq aviisimi Sermitsiami tamakkiisumik uani atuarneqarsinnaavoq. Aviisi uani pisiariuk: