Skip to main content

Tusagassiorfik: USA-mit Danmark Norgelu piumaffigineqarput, russit Issittumi eqqissisimasumik pissusilersornissaannut oqaluuteqqullugit

USA-mit pilersaarutigineqannguatsiarpoq, Issittumi russit-norskit-kalaallit nunaannut atasumi pissanganartorsiortoqannginnissaa Kunngeqarfiup Norgellu isumagissagaat. Amerikamiut kiniiserit sunniuteqarsinnaanerisa killilersimaarneqarnissaat ukkatariniarpaat

Amerikami atorfilittat, Kunngeqarfiup Danmarkip Norgellu Issittumi russit pissanganartorsiortitsinnginnissaannik sulissuteqarsinnaanerat periarfissagissaartutut isigaat, Berlingske allappoq.

Ruslandip Issittumi sakkutoorqarfini piffissami kingullermi ammaqqillugillu annertusarsimavai. Illersornissaqarfiup Isertortumik Paasiniaasartuisa tassunga atatillugu oqaatigaat, sakkutooqarnikkut suliaqarnerulerneq siullertut imminut illersornissamik siunertaqartoq, aammali saassussinermut atorneqarsinnaasoq. Ilaatigut russit timmisartuisa sorsuutit naammattumik orsoqarlutik Pituttik angusinnaavaat.

Martin Lidegaard (Rad) sapaatit akunnialuit matuma siorna nunanut allanut politikkeqarnermi ataatsimiitaliami siulittaasusut USA-mi angalavoq, ilaatigullu illersornissamut ministeeriaqarfimmit, Pentagonimit Det Hivde Husimillu sinniisuutitat ataatsimeeqatigisimallugit.

Taanna isumaqarpoq, USA-mit Issittumi russit sakkutooqarfeqarnerannut sanilliulugu kiniiserit sunniuteqarniarsinnaanerat ernummatigineqarnerusoq.

- Isumaqarpunga, Moskvap tunngavissaqarluarluni Issittumut soqutiginninnera eqqarsaatigalugu, Ruslandip Avanaanni sakkutooqarfinnik annertusaasoqarnerarlugu russit nassuiaataat Amerikamiunit akuersaarneqartoq. Danmark Norgelu issittumi pissanganartorsiortoqannginnissaanut ikiuussinnaappata tamanna Amerikamiunut iluaqutaassaaq. Sunami tamarmi Kinamut tunngassuteqartutut isikkoqarpoq, Martin Lidegaard (Rad) Berlingskemut oqarpoq.

Berlingske naapertorlugu, Ruslandip Kinallu peqatigiilernissaat USA-mit pinngitsoortinniarneqarpoq, taamaammat Rusland nunat killiit peqatigiinnerannut ilaalerseqqinneqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER