Nuuk
Tusagassiorfik: Qimaasut inuusuttut marluk kilisaammi nassaarineqartut
Nukappiaqqat Syriamiut ataasinngornermi Canadamiut kilisaataanni, Polar Seafoodimit pigineqartumut ilaasut paasineqarput
Angutit inuusuttut marluk 17-inik ukiullit Syriameersut, Polar Seafoodip kilisaataani Canadamut ingerlaartumi arfininngormat nassaarineqarput.
Taakku inuusuttut marluk politiinut tunniunniarlugit kilisaat Nuummut utertariaqarsimavoq, KNR nittartakkamini taama allappoq.
Ajornartorsiortitsinngitsut
- Syriamiut inuusuttuaqqat pissuserissaarput. Pitsaasuupput ajornartorsiutiginngilagut. Siniffissarsivagut nerisillugillu, Polar Seafoodimi siulersuisuni siulittaasoq, Hernik Leth KNR-imut oqarpoq.
Kilisaat ataasinngornermi Nuummut uterpoq, sulilu tassaniilluni.
Polar Searfoodip kilisaataannut qimaasunik ikisimasunik siornatigut naammattoorsisoqarsimanngilaq.