Skip to main content

Tusagassiorfeeraq 300.000-nik tapiiffigineqarpoq

Aappariit aallartisaasut Mads Nordlund aamma Aviaq Mørch Namminersorlutik Oqartussat tusagassiuutinut tapiissutaannit nutaamit siullersaallutik kisimiillutillu pissarsipput

Atuagassiaq Greenland Today imaluunniit Nuuk Cityavis ukiuni arlalinni suliffeqarfinnik ilisarititsinernik aamma Kalaallit Nunaat pillugu nunatsinni nunanilu allani atuartartunut minnerusunik allaaserinnittartut amerlasuut nalunngilaat.

Taakkuninnga pilersitsisut, aappariit Mads Nordlund aamma Aviaq Mørch, suliffitsik ineriartortinnissaanut 300.000 koruunit sinnilaarlugit tusagassiuutinut tapiissummik taperneqaqqammerput.

Qinnuteqartutuat
- Qinnuteqartut tusagassiuutinut tapiissutinut sumulluunniit attuumassuteqanngitsumik internetsikkut nutaarsiassanik aamma ullutsinni oqallisaasunik nutaarsiassiisarnissamut paasissutissiisarnissamullu taperneqarnissamut qinnuteqarput, tapiissuteqartarnermut ataatsimiititaliaq 11. decemberi ataatsimiinnerata kingorna, Namminersorlutik Oqartussat naminneq pingasunngornermi tusagassiuutinut nalunaarumminni allapput.

Atuaruk: Tusagassiuutit assigiinngitsut qinnuteqarsinnaassapput

Piffissami tulliuttumi Mads Nordlundip aamma Aviaq Mørchip Nuuk Cityavisi nuna tamakkerlugu saqqummertartunngortinniarlugu sulissuteqassapput, taanna taaguuteqassaaq Qeqqa.

Annikitsukkaarlugu qinnuteqaqattaartoqarsinnaasoq
Taakku aallartissaast qaammatini arlalinni nittartakkamik Qeqqa.gl-imik nutaarsiassaqartitsineq iserfiginiarlugu misilittaareerput.

Tusagassiuutinut tapiisarneq Naalakekrsuisut allanngortinniarlugu aalajangernikuupput. Tapiissutit siullermit annikinnerujussuanngornerat aaqqiissuteqarnerup kinguneraa, aammalu ataatsimiititaliaq Naalakkersuisunit ivertinneqartoq ukiut tamaasa nunatsinni tusagassiorfiit sorliit tapiiffigineqartariaqarnersut aalajangiisassaaq.

Siornatigut ukiumut ingerlatsinermut tapiissutaasarsisimasoq, tusagassiorfimmut Sermitsiaq.AG-mut ukiut tamaasa nassiussinissamut aamma saqqummersitsinissamut atugassanik millionit koruuninik arlalinnik qulakkeerinnittarsimasoq peerneqarnissaa aalajangiunneqarnikuuvoq, tamatumalu kingorna tusagassiorfiup aaqqissuisuisa tapiisarnerup allannguutai ajuusaarutiginikuuaat.

Maanna Avannaani Kujataanilu aviisit marluk matuneqarnissaanut aarlerinartoqartoq, pisortap Poul Krarupip tamanut nalunaarutiginikuuaa.

Atuaruk: Aviisit marluk tapiissutinik kukkunermit eqqugaasinnaapput 

Atuaruk: Sulisitsisut aviisit piujunnaarnissaat ernummatigaat

Forsiden lige nu

SENESTE NYHEDER