tusagassiuutit
Tusaagassiisarnermi aalajangiisartut aalajangiinerat
AG aamma Sermitsiaq.AG allaaserisap qulequtaa pillugu isornartorsiorneqarput
AG-mi, sapaatip akunnerani 47-mi, 2015-imi novembarip 18-ianni saqqummersumi, allaaserisaq qulequtalik "Aviisinut tapiissutinut tunngasuni tupannartoq. Inatsisartut salloqittarneqartut".
Tusagassiisarnermi aalajangiisartut 2016-imi juunip 28-anni aalajangiinerminni Atugagdliutit, aamma Sermitsiaq.AG oqaluttuamik issuaasimasoq, isornartorsiorpai.
– Pitsaasumik tusaagassiornermut malittarisassani afsnit A, imm. 1-imi, allassimavoq tusagassiorfiit paasissutissiissutaat eqqortuussasut. Pisimasumi matumani apeqqutaavoq Atuagagdliutit (AG) qulequtsiussaa "Inatsisartut salloqittarneqarsimasut" eqqortuunersoq.
Tusagassiisarnermi aalajangiisartut pingaartippaat Naalakkersuisut 2014-imi juulip 9-anni aalajangiineranni allassimammat Sermitsiaq.AG-p qinnuteqaataa itigartinneqassasoq marloqiusamik tunngavilerlugu 1) qinnuteqaat piffissaq eqqorlugu tunniunneqarsimanngimmat aamma 2) Sermitsiaq.AG-p aningaasaqarnikkut inissisimanerata nalilerneqarneratigut tapiissuteqarnissamut tunngavissaqanngitsoq.
Erseqqinnerusumik tunngavilersuutini ataasiinnarmik innersuussuteqartoqarpoq qinnuteqaat kingusinaartumik tunniunneqarsimasoq, immikkoortunilu sisamani itigartitsineq tunngavilersorneqarsimalluni Sermitsiaq.AG-p aningaasaqarnera innersuussutigalugu.
Inatsiseqarnermut pisortap intsimmut tunngavik paasimmagu Naalakkersuisut tapiissuteqarnissaminnut pisussaaffeqartut, tamanna takussutissaavoq taassumalu inatsisitigut naliliineranut, suliassap qanoq aalajangiiffigisimasariaqaraluarneranik.
Tusagassiisarnermili aalajangiisartut takusinnaavaat Naalakkersuisut 2014-imi aggustip 22-anni Inatsisartunut, Aningaasaqrnermut Akileraartarnermullu Ataatsimiititaliamut, akissummini 2014-imi juulip 2-anni aalajangiineq nassuiaateqarfigisimagaat taassuma oqaasertai naapertorlugit.
Taamaasilluni Naalakkersuisut ilaatigut nassuiaatigaat piffissap qaangerneqarsimanera pingaartissimllugu, ilaatigullu Sermitsiaq.AG-p aningassaqarneranut tunngavilersuut pingaartissimallugu.
Naalakkersuisut akissuteqaataat 2015-imi juulip 9-anni itigartitsinermut naapertuuppoq. Tamatuma kingorna Tusagssiisarnermi aalajangiisartut tunngavissaqarsorinngilaat Inatsisartut salloqittarneqarsimasut".
Sermitsiaq.AG-p Tusagassiisarnermi aalajangiisartut siulittaasuat Søren Søndergård Hansen aattaveqarfigisimavaa. Taassuma akuerisimavaatigut matumani erseqqissarsinnaagipput aalajangiinermi allaaserisap imarisaa pineqanngimmat, taamaallaalli qulequtaa pineqarluni