Skip to main content

Tusa 2014-imi unitsinneqartariaqartoq

Tusap majimi sammisassaqartitsinissaagalua unitsiinnartariaqarpoq peqatigiiffiup Inuit akissaarunneri pissutigalugu

Tassaavoq aalajangiussaq artornangaartoq, pisariaqartorli Inuit ukiumoortumik Svendborgimi attaatsimeersuarnermini arfininngorneq martsip aallaqqaataanni aalajangiuttaruaqagaa.

Naalakkersuisunit 2014-imi Inuinut 180.000 koruuninik ilimagineqarsimagaluartoq
100.000 koruuniinanngorsimammata, 80.000 koruuninik, ikilineqarsimammata allakkakkut nalunaarutigineqarluni, ataatsimeersuarnissaq aqaguttut tikittumi. Taamaattumik ataatsimeersuarnerup  2014-imi aningaasartuutissat annikillisattariaqarsimavvat, Majimilu Tusaqarnissaraluaq taamaatiinnarneqarluni, aamma peqatigiiffiit, maanna Inuinut 23-iusunut, pikkorissartitsisarnissaraluit peerneqarput. 

Kaffemikbevægelsen
Tallimanngornermi ataatsimeersuarnissaq aqaguttoq, suliliniaqatigiik nutaaq taasoq 'Kaffemikbevægelsen' imminut ilisaritippoq, taasuma anguniagarivaa Kalaallit Nunaannut kalaallinullu  takorloorinnittarnerit kukkusoorajuttartut qungujunnartunngorlugit saqqummiuttassallugit, imaluunniit namminneq oqarnerisigut ”akuersaarissuseqarumalluni” kiinnertarnikkut. Taakku nivissat Aarhus Universitetimi ilisimatusartut anguniakkatik nuannersumik quuinartumillu anguniakkatik saqqummiuppaat, oqarlutik  kaffimik nassarluta takkukkutta qaaqqusisut kaagillerpata, taava kalaallinut takorloorutaasartut eqqortut kukkusullu eqqartorneqartassapput.

Ukiut 45-ut kingorna takummaaneq
Ataatsimeersuareenerup kingorna unnussiuaqatigiinnermi pulaartoq iserpoq, taasuma najuuttut ilaat ingerlaannaq ilisara. Tassaavoq Kathrine Nielsenip Karen Schmidti Ikinngutigiinninngaanersoq ilisarigaa. Taakku ukiut 45-ut matuma siorna Brøruphus Ungdomsskolemi atuaqatigiissimapput, takummaanerat eqqaamasalersaanerallu najuuttunit nuannarineqaqaaq. Takummaasut alutornavipput.

Peqatigiiffik ilaasortanngortoq
Ataatsimeersuarnermi peqatigiifik ilaasortanngorumasoq akuerineqarpoq kattuffimmilu ilaasoetanngorluni. Tassaavoq peqatigiiffik Upernavimmiut.dk, maannalu Danmarkimi kattuffik 23inik ilaasortqalerpoq. Københavnimi peqatigiiffik 'Pilutaq' ilaasortaajumajunnaarsimavoq, pissutigitillugu suut tamarmik Københavnip avaani pisarmata.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER