Tupassimasut, kamattut eqqarsarfissaqarusuttut
Kommunit Nakkutilliisoqarfiata kommunip attartortitsisunit namminersortunit inissianik attartorluni kommunimi innuttaasunut attartortitseqqinnermik periusaa maleruagassanik unioqqutitsinerusoq aalajangerpaa. Tamatumunnga partiit qanoq oqaaseqarpat?
Nuummiit inissianut suliamut taaneqartartumi Kommunit Nakkutilliisoqarfiata Kommuneqarfik Sermersuumik isortartorsiuinera partiinit assigiinngitsupilussuarmik isummerfigineqarpoq. Siumumi siulittaasup Erik Jensenip piumasaraa Asii Chemnitz Narup (IA) nunamut namminermut tunngasunut akisussaasutut tunuartariaqartoq borgmesteriunermini suliami inissisimasimanera peqqutigalugu.
Aviisi AG taama allappoq.
Atassut Nalerarlu paasissutissanik amerlanerusunik pissarsiniarlutik utaqqimaarput, Demokraatinilu Justus Hansen tupassimaqaaq.
- Kommunimili aalajangiinerput aalajangiusimavara. Ilaqutariippassuarnut inissaqartitsinissaq pineqarpoq, Tasiilamiit oqarasuaatikkut ataasinngormat AG-mut oqarpoq.
Justus Hansen siullermik 2008-mi kommunalbestyrelsemut qinigaavoq maannalu borgmesterimut tullersartaalluni siulleq. Kommunit Nakkutilliisoqarfiata tassanngaannaq oqariartornera tupaallaatigeqaa. – Tamanna tuppatiginerpaavara. Tamanna sakkortuumik akimmisaarfeqaranilu naatsumik tusagassiuutinut nalunaarutigineqarmat.
- Suna ajornartorsiutaagami?
- Soorunami nalunaarusiaq tamaat tigorusupparput, taamaalilluta suut isummerfigissanerlugit ilisimallutigu. Allatut iliorneq iluaaqaaq. Eqqarsanngitsoorsinnaanngilanga suliaq suliarigatsigu uanga suna takkuitsoorsimanerlugu. Naluarali. Tikkuartorneqartutut misigisimavunga, Justus Hansen oqarpoq.
Aviisimi AG-mi allaaserisaq tamakkerlugu atuarsinnaavat: