Tupakuluusi

Tupakuluusersimasoq: Toqungajappunga

Hans Kuitse qaammatini qulini nakorsamut uteqattaareerluni aatsaat misissorneqarsimavoq

Hans Kuitse

Siorna juullingajalersoq Hans Kuitse Maniitsumi angerlarsimaffimmini inimiippoq anersaartorsinnaanngingajalluni. Taanna februaarimiilli nakorsamut uteqattaarsimavoq puanni, ajorsigaluttuinnartut, misissortinniarlugit. Ilatsiinnangajaleraluarpoq arlaleriarlunilu eqqarsartarsimalluni unnuaq anigorunarnagu. Ullualunnguit sioqqullugu nakorsiarsimavoq, ullaarli taanna misigisimavoq nakorsiaqqittariaqarlu ni.

– Nakorsamut iserpunga siusinnerusukkut misissortiffigineq ajukkannut. Taanna taartaasimavoq qularutiginngilaralu inuunera annaakkaa. Takusinnaavaa qanoq perulutsigisunga ingerlaannarlu tarrarsortillungalu misissugassamik aaversippaanga. Assit takutippaat puakka tupakuluusimik susinnaajunnaarsinneqalersut ingerlaannarlu katsorsartittariaqartunga, Hans Kuitse tupakuluuseqarnerminik paasineqarnermi kingorna qaammatit qulingiluat qaangiuttut oqaluttuarpoq.

Powered by Labrador CMS