Tupaallannartumik Hollandimiup ajugaanerani Fuglsangip Tourimi uppinnini qaangerpaa
Hollandimiup Mike Teunissenip holdeqatimi Tourimi etapemi siullermi uppinnera atorluarpaa. Fuglsang asfaltimut uppippoq.
Hollandimiu sikkilertartoq Mike Teunissen (Jumbo-Visma) tupaallatsitsilluni arfininngornermi Tour de Francemi etape siulleq amerlasuujulluni aallarnermi ajugaavoq, tassani apuutilernermi uppittoqarpoq.
Ilaatigut Teunissenip holdeqataa Dylan Groenewegen uppippoq. Taanna Groenewegen etapemi Bruxellesimi ajugaasussatut ilimagineqartut ilagigaluarpaat.
Qallunaat isaannik isigalugu aamma naammassilernermi pissanganartoqarpoq. Jakob Fuglsang (Astana) aamma uppippoq, kisianni piffissamik annaasaqarani.
Fuglsangip uppinnera 20 kilometeriunngitsut sinneruttut pivoq, qallunaarlu taanna Tourimi tusaamasaq kiinnamigut aattaqarpoq. Qallumigut kilersimarpasippoq.
Astanami holdeqatiminit ikiorneqarluni Fuglsang uteqqippoq. Apuunnermilu kingorna Fuglsang misissorneqarpoq.