Skip to main content

Tunumut umiarsuaqarnerup pitsaanerulersinnissaa anguniarlugu RAL misissuisoq

Royal Arctic Linep nutaanik umiarsuartaarluni, Islandimiullu umiarsuaatileqatigiiffiat Eimskip suleqatigalugu, Kitaani assartuusseriaatsiminik allanngortiterinera ilutigalugu, RAL-ip Tunumut umiarsuaqartarnerata pitsaanerulersinnissaanut periarfissat assigiinngitsut misissorpai

Tasiilami innuttaasut atsiornernik katersaat 434-t Royal Arctic Linemut novembarip aallaqqaataani 2019-imi tunniunneqarput. Royal Arctic Linep umiarsuaata ukiunnginnerani sikunnginneranilu akulikinnerusumik kingusinnerusukkullu tikittalernissaat innuttaasut kissaatigaat.

Novembarip aallaqqaataani innuttaasut atsiornermik katersaat Royal Arctic Linemut tunniunneqartoq nalunaarutigineqarpoq.

Periarfissat misissorneqarput

Ullumikkutut isikkoqartillugu, Tasiilaq Royal Arctic Linep umiarsuaanit ukiumut quleriarlugu tikinneqartarpoq. Umiarsuaq siulleq Tasiilap avataani sikorsuit juunip aallartinnerani aqqutigineqarsinnaaleraangata tikikkajuttarpoq, tamatumalu kingorna Tasiilaq umiarsuarmit umiarsualivianut pulasinnaasumit sapaatit akunneri pingasukkuutaarlugit tikinneqartarluni. Umiarsuarlu kingulleq nalinginnaasumik novembarip qiteqqunnerani tikittarpoq, tamatumalu kingorna sikorsuaqalersarluni.

- Royal Arctic Linep nutaanik umiarsuartaarluni, Islandimiullu umiarsuaatileqatigiiffiat Eimskip suleqatigalugu, Kitaani assartuusseriaatsiminik allanngortiterinera ilutigalugu, Tunumut umiarsuaqartarnerata pitsaanerulersinnissaanut periarfissat assigiinngitsut misissorpai, RAL allappoq.

Islandimit toqqaannartumik aqqut?

Assersuutigalugulu aaqqiissutaasinnaasut ilagaat Islandimut toqqaannartumik attaveqalernera, sikuunnginnerani akulikinnerusumik umiarsuaqartalerluni.

- Taamatut allanngortitsisoqarneratigut Tasiilap siusinnerusukkut kingusinnerusukkullu tikinneqarsinnaaneranut eqaannerulersitsissaaq, sikuunera silalu apeqqutaatillugit. Nutaanik suliniutivut qaammatit tulliit marlussuit ingerlanerini sukumiinerusumik paasissutissiissutigisinnaassallugit neriuutigaarput, RAL allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER