Tunumiu maligassiuisoq Nersornaammik nersornaaserneqartoq
Akulo Larsen sølviusumik Nersornaaserneqarpoq, sivisuumik tunniusimallunilu Tasiilami maligassiuisutut suliniuteqartutullu nersortarialimmik annertuumillu iliuuseqartarsimanera tunngavigalugu
Inatsisartuni Siulittaasup Tulliata Justus Hansenip (D) inuiattut llorsiornermi Akulo Larsen sølviusumik Nersornaaserpaa.
Inatsisartut Siulittaasoqarfianit tamanna ilisimatitsissutigineqarpoq.
Nersornaasiineq Tasiilami pivoq, Justus Hansenillu Akulo Larsenip illoqarfiup meeqqeriviani suliniuteqartarnera ilaatigut imatut oqaaseqarfigaa:
- Dronning Ingridip meeqqeriviani ukiuni 25-ni atasuinnarmik nerisaqartitsisuusimavutit, nerisassiullaqqissuunerpit saniatigut meeqqat meeqqerivimmiittut isumassortuarsimavatit.
- Qanorluunniit igaffimmi ulapitsigigaluaraangavit meeqqat tuppallersarneqarnissamik pakkunneqarnissamillu pisariaqartitsigaangata taamak iliornissamut piffissaqartuartarsimavutit, taamaalilluni meeqqat pillugit ikiuunnissat naatsorsuutigineqartuaannarsinnaavoq, Justus Hansen oiqarpoq, nangillunilu:
- Aamma Kalaallit Nunaata kangiani silap ukiumi peqqarniitsorsuusarlunilu issittorsuusarfiani nuersaallutit pissaqanngitsunut nasaliuussisarnikkut aaqqasiuussisarnikkullu meeqqanut isumassuinerit takutittarpat. Tamatuma ilaatigut takutippaa, naak uillarnerpit kingorna kisimiillutit meeqqanik sisamanik perorsaagaluarlutit qanoq meeqqanut tamanut asannitsigalutillu isumassuitiginerit
.