Skip to main content

Tunumi inuit nannullu aporaatikulaarnerulersut

Tunumi inuit nannullu ukioq manna 40-riarlutik aporaattarsimapput.

Silap pissusiata allanngoriartornerata malitsigisaanik inuit nannullu, pingaartumik Tunumi, aporaatikulaarnerulerput.

AG taama allappoq.

Aalisarnermut Piniarnermullu Naalakkersuisoqarfiup nannut inuillu qasseriarlutik aporaattarsimanerannik takussutissiaq saqqummiuteqqammerpaa.

Pisut ilaanni oqaaseq qanorluunniit paasineqarsinnaasoq »aporaanneq«, saassussivinnermik isumaqarpoq.

Paasissutissat ilaatigut innuttaasut nalunaaruteqartarnerannit kiisalu nalunaarasuartaateqarfinnit inuttalinnit, Nunami Allanngutsaaliukkami Issittumi Sakkutooqarfimmit alapernaarsuisunillu Sirius-ikkunnit paasissutissanit katersorneqarsimapput, nittartagaq Polarfronten.dk taama allappoq.

Kisitsisitigut takussutissiani takuneqarsinnaavoq pingaartumik Tunu pisoqarfiusartoq. 2017-imi inuit nannullu aporaanneri 43-t
nalunaarsorneqarsimapput (2018-imut kisitsisit suli naammassineqasimanngillat, aaqq.).

Kujataa taama pisoqarfiutigineq ajorpoq, taqqavanili taamatut pisoqaraangat amerlanertigut nannut aallaaneqartarput. 2009-miilli innuttaasut nannullu akornanni aporaannernik taaneqartut 11-t nalunaarsorneqarsimapput, pisunilu qulingiluani nannut aallaaneqartarsimapput.

Nannut saassussisarnerat pillugu AG-mi atuarnerusinnaavutit. Aviisi uani ataani pisiarisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER