Tunu

Tunumi imigassamik tuniniaaneq unitsikkallarneqarnissaa siunnersuutigigaa

Tunumi imigassamik aalakoornartutalimmik tuniniaanerup unitsikkallarneqarnera inuuniarnikkut ajornartorsiuterpassuarnik aaqqeeqataasinnaasoq, Atassummeersoq Steen Lynge isumaqarpoq

Atassummeersoq Steen Lynge

Meeqqat illersuisuata Aviâja Egede Lyngep angalanermut nalunaarusiani saqqummiuteqqammerpaa, taassuma juunimi meeqqanik inersimasunillu Tasiilami Kuummiunilu oqaloqateqareerluni meeqqat pillugit siunnersorti Ellen Bang Bourup peqatigalugu allassimavaa.

- Imigassamik aningaasanoornermillu annertuumik ajornartorsiortoqarpoq. Kinguneri ernumanartupilussuupput iliuuseqarfigineqartariaqarporlu, meeqqat illersuisuat Aviâja Egede Lynge oqarpoq.

Atuaruk: Meeqqat Illersuisuat: Maannakkorpiaq iliuuseqartoqartariaqarpoq

Unikkallarneq
Inatsisartunut ilaasortaq Steen Lynge (A) maanna siunnersuuteqarpoq, Tunumi imigassamik tuniniaaneq unitsikkallartariaqartoq.

Inuuniarnikkut ajornartorsiuterpassuarnik aaqqeeqataasinnaasoq, taanna isumaqarpoq.

- Inunnik isumaginninnermut tunngatillugu Kommuneqarfik Sermersooq akisussaaffimminik naammassinnissimanngilaq. Kommunip innuttaasut pisariaqartitaannik ikiorneqarnissaannik qulakkeerinnissimanngilaq, kommunip inunnik isumaginninneq salliutissimanngimmagu, tusagassiuutinut nalunaarummi allappoq.

- Meeqqat pisinnaatitaaffii inersimasut imigassarsisinnaanerannit salliunneqassapput, Atassummi politikeri oqarpoq.

Atuaruk: Tasiilami meeqqat pillugit isumaginninnermut suliat 500 sinneqartut

Powered by Labrador CMS