Tunumi Canadamiut heliumimik ujaasinerat
Canadamiut ingerlatseqatigiiffiata Pulsar Heliumip Skyfire pisiaraa taamaalillunilu aamma Tunumi sumiiffimmi 2.770 km2-nik annertussusilimmi heliumimik hydrogenimillu ujaasinissamut akuersissuteqarluni.
Ingerlatseqatigiiffik Pulsar Helium Inc. qanittukkut Torontomi aatsitassat pillugit nittarsaassinermi PDAC-mi kalaallit aallartitaat peqatigalugit peqataavoq. Ingerlatseqatigiiffik Canadap kimmut sineriaanit aallaaveqarpoq USA-milu Topazimi Tunumilu ujaasinissamut akuersissutaateqarluni.
Aviisi Sermitsiaq taama allappoq.
USA-p pingaartitaa
Pulsar Helium Inc. ingerlatseqatigiiffittut mikinerusutut isigineqarpoq heliumimik suliniutit tunisassiaalersinnaanerannut piorsaanermik suliaqartoq. Namminneq nittartagaat naapertorlugu 2023-mi Canadami børsimi allattugaalernissartik pilersaarutigaat annermik USA-mi nunap immikkoortuani Minnesotami Topazimi suliniutip kingunerisaanik.
Topazimi suliniut siusinnerusukkut qillerisimavoq, heliumitaqarneralu 10,5 procentiusoq uuttortarneqarluni, tassalu nunarsuarmi annertunerpaat ilagalugu. Kingorna uuttortaanerit nunat tamalaat akornannni nukissiornermut siunnersuisarfimmit Sproulemit misissorneqarsimapput, 2023-mullu sulinissamut pilersaarutaata maanna aalajangissavaa suliniut niuernerpalaartumik atorneqarsinnaanersoq. Taamaassappat Pulsar Heliumip siunertaraa tunisassiornermi atortut CO2-mik ajornartorsiutitaqannginnissaat.
Aviisimi Sermitsiami atuarnerusinnaavutit. Aviisi uani pissarsiariuk:
