Skip to main content

Tunumi avaleraasartuut ukioq manna ikinnerupput

Biologit misissuinerisa takutippaat nunatta imartai avaleraasartuunut suli nillerpallaartut

Pinngortitaleriffiup Tunumi avaleraasartooqassusianik misissuinera ataasinngormat naammassivoq.

Paasineqarallartullu malillugit tunumi avannaani Dornh Banke-miit kujataani Nunap Isuanut avaleraasartooqartoq.

Ikinnerugunarput

Ukioq mannali siornarnit avaleraasartuukinneruvoq. Avaleraasartuut nunatta imartaani (allaaserisap ataani titartagaq takuuk, aaqqiss.) ikinnerunerisa ilimanarsisippaat, avaleraasartuut Tuluit Nunaata kitaani qeqertani suffisarfimminnit ingerlasarnerat kinguartinneqarlunilu sivikillineqarsimasoq, upernaap nillersimanera pissutigalugu.

Biologimmi aamma naatsorsuutigaat avaleraasartuut ikinnerusut.

Nunat tamalaat suleqatigiinnerat

Tamanna naapertuuppoq nunatsinni ingerlatsiviit juulimi aggustillu aallartinnerani kingusissukkut annikinnerusumillu avaleraasartoorniarnerannut. Nunatta imartaani misissuinissamut Pinngortitaleriffiup islandimiut ilisimatusarnermi umiarsuaat Arni Fridriksson islandimiullu kilisaataat Birtingur attartorsimavai.

Nunatsinni avaleraasartuunik, arfernik planktoninillu misissuineq Norgemi, Savalimmiuni Islandimilu taamatut misissuinernut ataqatigiissarneqarsimavoq.

Oktobarimi saqqummiussissapput

Nunanit pineqartunit sisamanit biologit ulluni makkunani paasisat suliarileruttorpaat, paasisallu aggustip naalernerani nunat tamalaat imaanik misissuinermut rådiata (ICES) ataani ilisimatuussutsikkut suleqatigiissitaliap Københavnimi ataatsimiinnerani tamanut saqqummiunneqassapput.

Tunup imartaani avaleraasartooqassusianik misissuineq Atlantikup avannaani tamarmi nunat tamalaat avaleraaasartooqassusianik naliliinerannut ilaatinneqassaaq.

ICES-ip 2016-imut pisassiinissamut siunnersuutai oktobarip aallartinnerani saqqummiunneqasssapput.

Kisitsisit politikkimut aalajangiisuusut

Paasisat katersorneqartut aalajangiisuussapput Kalaallit Nunaat Atlantikup Avannaani pisassiissutinit qanoq amerlatigisunik piumasaqarsinnaaneranut. Avaleraasartuut aasakkut nunat avannarliit, Kalaallit Nunaat ilanngullugu, imartaanniittarput planktoninik nerisassiorlutik.

Misissuiffiugallarsimasut ataani titartakkami takukkit

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER