Skip to main content

Tunumi aasarsiortitsinermit assilisat amerlanerit takukkit

Suliniaqatigiiffik Foreningen Grønlandske Børn Tunumi aasarsioqatigiissitseqqammerpoq. Blogimi allaaserisat sisamaanni matumani sammisat pillugit atuaritA

Atuartartunit aasaanerani sammisaqartitsineq Canadamiup Isabelle Flammiap blogitut allaaserisai tamatumalu saniatigut Ena Kurtagic Granulop assilisai kusanarluinnartut aqqutigalugit ukioq manna malinnaavigineqarsinnaapput. Taakkua marluullutik 2014-imi Qaanaamiipput, maannalu nunarsuarmi qeqertat annersaannut utersimallutik:

Naammassinissaa qanilliartorpoq

 Arfininngornermi tassani meeqqanut tamanut inersimasunullu timersortarfimi pinnguaatinik aaqqissuussivugut. Ulloq taanna malunnartinniarlugu kaagiliorlutalu kaageeraliorpugut kiisalu tiiliorlutalu kaffiliorluta. Meerarpassuarnik inersimasunillu takkuttoqarpoq. Pinnguaatigineqartut tassaapput stoledans, stopdans, ballondans allallu. Tamatta nuannisartorujussuuvugut, inunnillu nutaanik naapitaqarluni nuannivipppoq.

Sapaammi sivikitsumik pisuttuarluta misiliigaluarpugut, pujortorujussuuvorli piniartullu naapitatta oqaluttuuppaatigut nanoqaqqilersimasoq, Taamaattumik utiinnarniarlut aalajangerpugut sissamilu ikumatitaliorluta. Akunnialunni sissamiippugut, kisssartutorluta nallukattarlutalu.

Sissamiit ilulissanut kusanartunut isikkivigissumiilluni ikumatitsineq nuannerluinnarpoq. Akunnialuit  ingerlareersullu qiialeratta angerlarpugut.

Atualeqqaarneq

Meeqqat sapaatip-akunnerani matumani sisamanngornermi atualerput, taamaattumik Camp East naammassiartulerpoq. Meeqqat peqatigalugit ullut kingulliit sapinngisamik annerpaamik pissarsiaqarfiginiarsarissavavut. Meeqqat maanna atualermata atuareernerup kingorna pinnguarnernik arsaannernillu aaqqissuussissaagut.

Sisamanngornermi ullaakkut tamatta atuarfiliaavugut atualeqqaartunik takuniaalluta. Meeqqat kalaallisoortut atualeqqaartorsiornerlu takullugit alutornarluinnarput. Ilaqutaasut mamakujuttunik aningaaanillu paggaasaqattaarput, katersupallanneqartartunik. Atuarfiup pisortaa oqalugiarpoq meeqqallu kalaallisoorlutik erfalasuaqqanillu tigummiarlutik atuarfiup saavani assilisillutik. Pisumut taama ittumut isiginnaartuulluni immikkut pisinnaatitaaffiuvoq, meeqqallu atualeqqaarnerat qanoq persuarsiutigineqartartoq takullugu pissanganarluinnarluni.

Camp East Ittoqqortoormiiniinnerlu nuannerluinnarsimapput inuulluaqqusinissarlu ajornakusoorluinnassalluni!

Umiarsualivimmi aaveq

Sisamanngornermi ullaakkut kollegianiittunga tammaarsimaffimmilu aqutsisut marluk kajumissutsimillu ikiuuttut allat marluk kaffisoqatigalugit tusalerparput umiarsualivimmi aaveqartoq. Taava umiarsualiviup tungaanut arpaliunnersuaqalerpoq. Qaatiguuvut ateriarlugit tankeqarfiup tungaanut tuaviinnaq arpappugut. Soorlu taamani nannumik takugatta; illoqarfimmiut tamarmik aaveq tusarsimavaat umiarsualiviullu tungaanukaarratilerlutik.

Apuukkatta aaveq sissap killerpiaaniippoq. Politiip aallaaqqammersimavaa napparsimammat toqunngujoormallu. Aavermik toqungasumik takullu alianaraluarpoq, tamattali alutorisorujussuuarput. Pilanneqalinnginnerani attorparput amialu malugalugu. Qimminut nerukkaatissiaralugu pilanneqarnerani arlariillluta uninngaannarpugut isiginnaarlutalu.

Misigisimavunga uumasunik takusatsinnik tamanik iluatsitsisimalluta. Kalaallit Nunaanni uumasoqassutsip ilaanik pingaarutilinnik takuvugut, tamannalu alutornarluinnarpoq!

Aamma atuakkit: Asserpassuit: Ittoqqortoormiini aasaanerani tammaarsimaarneq

Assit: Ittoqqortoormiinit assit

Assit: Børn og bjørn i hopla i Ittoqqortoormiit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER