Skip to main content

Tunumi aalisarnerup ineriartortinneqarnissaanut aningaasaliisoqassaaq

Tunumi aalisarnerup inerisarneqarnissaanut assiigiinngitsunik iliortoqassaaq. Aningaasanut inatsimmit suleqatigiissitamik pilersitsisoqassasoq Karl Tobiassen ilisimatitsivoq.

Tunumi aalisarnerup ineriartortinneqarnissaanut aningaasaliisoqassaaq. 

Aalisarnermut piniarnermullu naalakkersuisoq Karl Tobiassen paragraf 37 aallaavigalugu Naleqqamit Emanuel Nûkop apeqquteqaataani ilisimatitsivoq.

Aalisarnikkut siuarsaasoqarnissaanut Tasiilamut nunaqarfiinullu aammalu
lttoqqortoormiini Naalakkersuisut suut takorloorneraat Emanuel Nûkop apeqqutigaa. Aalisarnerup ineriartortinneqarnissaa Naalakkersuisunit soqutigineqartoq naalakkersuisoq oqarpoq.

Ineriartortitsinissamut pilersaarutit

- Aalisarnermut Piniarnermullu Naalakkersuisoqarfiup ukiuni kingullerni Tunumi assigiinngitsutigut ukkatarereerpaa, soorlu aalisarnerup ineriartortinneqarnissaa, tassungalu atatillugu, 2017-miit ukioq manna tikillugu umiaatsiaaqqanut 16-inut tapiisimalluta. lnatsit atuuttoq malillugu, Nunatta sinneranut naleqqiullugu Tunumi umiatsiaaqqanut tapiissutit aningaasalerneqarneratigut amerlanerupput, nalunaarutigineqarpoq.

Suliniutit makku Tunumi aallartinneqassapput:

  • Aalisarnermut tunngasutigut Tunumi ineriartornermut pilersaarusiortussanik najukkami aalisartut piniartullu peqatigiiffiinit, tunisassiortunit kommunimill peqataaffigineqartumik suleqatigiissitamik pilersitsineq.
  • Najukkami aalisartut piniartullu peqatigiiffiinit kommunimillu peqataaffigineqartumik piniarnerup tungaatigut suli ineriartortitseqqinnissamut iliuusissanut tunngasunut suleqatigiissitamik pilersitsineq.

Tapiissutit

Kommuni suleqatigalugu Tasiilami aalisarneq pillugu isumasioqatigiinnerup
ingerlanneqarnissaata isumannaarneqarnissaa aamma suliarineqassaaq.

Aningaasat aningaasanut inatsimmit 2022-mit aaneqassasut Karl Tobiassenip oqaatigaa.

Suliassanut qulaani taaneqartunut Naalakkersuisut 2023-mi Aningaasanut inatsit aqqutigalugu suleqatigiissitap sulilernissaanut, aningaasanik immikkoortitsisoqassasoq siunnerfeqarput, tassani siunertarineqarluni suleqatigiissitap pilersaarutini saqqummiutereerpagit aningaasanik amerlanerusunik immikkoortitsisoqaqqissasoq. 

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER