Tunuami aalisarneq inerisarniarneqartoq
Tunumi aalisarnermik inuussutissarsiuteqarneq Naalakkersuisut inerisaaffiginiarpaat, tamannalu aalisartunut isumallualersitsivoq.
Tunumi aalisarnermik inuussutissarsiuteqarneq maannakkornit annertunerusumik inerisaaffiginiarlugu Naalakkersuisut suliniutinik assigiinngitsunik aallartitsipput.
Taama Aalisarnermut Piniarnermullu Naalakkersuisoq Aqqaluaq B. Egede, Inuit Ataqatigiit, Inatsisartunut ilaasartamut Lars Poulsenimut, Siumut, Tunumi tunitsiveqarnikkut qanoq inerisaasoqarnissaanik paragraf 37 atorlugu Naalakkersersuisunut apeqqutaanut akissuteqarluni allappoq.
Tamannalu Tasiilami nunaqarfiinilu aalisarnermik inuussutissarsiuteqartunut siunissamut isumalluarnerulersitsivoq. Aviisi Sermitsiaq allappoq.
Suliniutit arlaqartut
Tunumi aalisarnerup ineriartortinneqarnissaanut Naalakkersuisut sinaakkutassanik sanassasut, taamaattorlu innuttaasut nammineerlutik aalisarnerup ineriatortinneqarnissaanut akuusariaqartut, Aqqaluaq B. Egede allappoq. Tunumi Qaanaami Qimusseriarsuarmilu aalisarnerup ineriartortinneqarnissaanut 2020-mi 2021-milu Inatsisartut 1 million koruuninik aningaasaliipput.
Tunumullu aningaasaliissutit atorlugit Kuummiuni aalisakkeriviup Arctic Prime Fisheriesimit pigineqartup annertunerusumik tunisassiorsinnaanissaa qulakkeerniarlugu, aalisakkanut suliffissuarmut kallerup innerata aqqutaa pitsangorsaavigineqarpoq.
Allaaserisaq tamaat uani Sermitsiami pisiarisinnaasanni atuaruk: