silaannaap kissatsikkiartornera

Tunu oktoberimi kiannerpaaffimminiittoq

Sumiiffit arfineq marluusut aatsaat taama kiatsigisut DMI nalunaarsorsimavai

Østgrønland, Kulusuk, bjerge
Tunumi ukialillartoq kiassiortoqarpoq

Tasiilaq oktobarip qaammataani aatsaat taama kiatsigisoq pingasunngormat paasinarsivoq.

Atuaruk: Qalasersuaq avannarleq naliginnaasumit 10 gradenik kiannerusoq

DMI-p silasiortutoqaa John Cappelen misissuereerneranit tamanna erserpoq.

Rekortiliisut arlallit

Aatsaat taama kiassiorfiutigisut paasinarsivoq.

- Kalaallit Nunaata kitaa piffimmi 1981-2010-mi agguaqatigiisillugu naliginnaasumit issinnerusoq nalunaarsorneqarpoq. Illuatungaanilli tunumi sermersuarmiittup Camp Summit-ip qaani aatsaat taama kiatsigaluni, DMI.dk-mut oqarpoq.

Sumiiffiit arfineq marluk

John Cappeleni misissuinera malillugu oktober 2016-mi aatsaat taama kiatsigisut ukuupput:

Danmarkshavn: 6.2°C-mik naliginnaasumit kianneruvoq (uuttortaaneq 1949-mi aallartippoq)
Daneborg: 7,4°C-mik naliginnaasumit kianneruvoq (uuttortaaneq 1958-mi aallartippoq)
Illoqqortoormiut: 5,2°C-mik naliginnaasumit kianneruvoq (uuttortaaneq 1949-mi aallartippoq)
Aputiteeq: 4,4°C-mik naliginnaasumit kianneruvoq (uuttortaaneq 1958-mi aallartippoq)
Tasiilaq: 4,6°C-mik naliginnaasumit kianneruvoq (uuttortaaneq 1895-mi aallartippoq)
Ikermiuarsuk: 2,3°C-mik naliginnaasumit kianneruvoq (uuttortaaneq 1958-mi aallartippoq)
Summit (Sermersuup portunerpaaffia): 7,3°C-mik naliginnaasumit kianneruvoq (uuttortaaneq 1991-mi aallartippoq)

Kiannerpaaffiup tullia

Avannarparteraanni - Station Avannaani - oktobarip qaammataani kiannerpaaffiup tullianiippot. Tamanna naliginnaasumit 3,6°C-mik kiannerummat. Sumiiffimmilu 1961-mi uuttortaaneq aallartippoq.

Powered by Labrador CMS