Sila
Tunu 2016-imi aatsaat taama kiatsigisoq
Station Nordimit kujammut Tasiilap tikillugu 2016-imi aatsaat taama kiatsigivoq. Ingammik ukiup affaani kingullermi nalinginnaasumit kiannerujussuuvoq
2016 Kalaallit Nunaata Kangiata sineriaata annersaani aatsaat taama kiatsigisaqattaarpoq.
Nunatta Kangiata sineriaani Station Nordimit kujammullu Tasiilaq tikillugu 2016-imi aatsaat taama kiatsigaaq, DMI.dk nittartakkamini taama allappoq.
Ingammik ukiup affaani kingullermi silap kiassusia nalinginaasumit kiannerujussuusimavoq.
Atuaruk: Kalaallit Nunaat kiassutsinik arlalinnik rekortiliivoq
Nalinginnaasoq qaangerujussuarlugu
Novembarip qaammataani nalinginnaasumik kiattarneranit allaanerujussuulluni. Daneborgimi nalinginnaasumik kiattaneranit 7,9 gradinik kiannerusimavoq. Piffissami 1981-mit 2010-ip tungaanut naleqqiussineq atorneqarpoq.
Tunumi aatsaat taama kiatsigisarneranut silaannaq kissartoq kujataannit Kalaallit Nunaannut ingerlaartarnera avannamullu kangimut ingerlaqqittarnera pissutaavoq.
Taama kiatsigisaranerata kinguneraa, sikusarnera sivikinnerulermat, sivisunerusumik sikusaraluarpat aputeqarnerullunilu nillernerusartussaagaluarami.
Maanna sikusarnera nalinginnaasumit qaammammik ataatsimik kingusinnerusumik sikusalerpoq.
Atuaruk: Nunatsinni silamik nalunaarusiortarneq pitsaanerulissaaq