Tunngaviusumik inatsisissaq pillugu isumalioqatigiissitaq piffissami aalajangiisumiilersoq
Kunngiitsuuffik Kalaallit Nunaata tunngaviusumik inatsisissaata ilusissani tigugaluttuarpaa. Taanna inatsisinut tamanut inatsisaassaaq. Oqaaseqatigiilli siulliit qanoq nipeqassappat?Isumalioqatigiissitap siulittaasortaavata apeqqut akivaa.
Kalaallit Nunaata inatsisaa pingaarnerpaaq pillugu innuttaasut uummaarissumik inuppalaartumillu oqallinnissaannik takorluukkat eqquutsinneqarpianngillat.
Aviisi AG allappoq.
Maannalu Tunngaviusumik inatsisissaq pillugu isumalioqatigiissitap aalajangersimasumik suliassaa naalakkersuisunit allanngortinneqarpoq. Innuttaasunik akuliutsitsineq Kalaallit Nunaata kiffaanngissuseqartup tunngaviusumik inatsisissaanik sulinermut ilaajunnaarsinneqarpoq.
- Immikkoortumi tassani innuttaasunik akuutitsinissamut tunngasumi, uatsinnut suliakkiut nutaaq suliakkiutaaqqaartumit allaanerungaatsiarpoq. Taannartaa maanna suliakkiummit peerneqarpoq, suliassarlu taanna Naalakkersuisut tiguaat. Qanoq taanna isumagissaneraat akisinnaanngilara, isumalioqatigiissitami siulittaasunngoqqammisoq Kuupik V. Kleist oqarpoq.
Innuttaasut ilapittuutaat Tunngaviusumik inatsisissaq pillugu isumalioqatigiissitap suliassaanut tunngaviusussatut eqqarsaataaqqaaraluarpoq.
- Kalaallit inuiaat aatsaat siullermeerlutik namminerisaminnik tunngaviusumik inatsisissamik isummertussaammata, sulineq tunngaviusumik pingaartitanik tamani oqallissiginninnermut atorneqartussaagaluarpoq, soorluttaaq innuttaasunik qaammarsaanermik suliaqartoqartussaagaluartoq. Kalaallit innuttaasut suliaqarnermi akuutinneqarnissaat tunngaviusumillu inatsimmik piginneqataasutut misiginissaat tunngavigineqartoq, Aningaasaqarnermut Naalakkersuisoqarfik isumalioqatigiissitap pilersinneqarneranut atatillugu allakkiami allappoq.
Aviisimi AG-mi atuarnerusinnaavutit. Aviisi uani pissarsiariuk: