Tunngaviusumik Inatsisissaq pillugu Isumalioqatigiissitap sulinera ukiumik ataatsimik sivitsorneqarpoq
Tunngaviusumik Inatsisissaq pillugu Isumalioqatigiissitap tunngaviusumik inatsisissamik suliaqarnerup sivitsorneqarnissaanik qinnuteqaataa qanittukkut akuerineqarsimavoq. Tamatumuuna ukiumik ataatsimik sivitsorneqarsimalluni.
Tunngaviusumik Inatsisissaq pillugu Isumalioqatigiissitap suliani kingusinnperpaamik 2022-p naanerani aatsaat annammisisinnaavaa – suliassap kingullermik 2019-imi martsip qaammataani akuerineqarneranit ukiumik ataatsimik kingusinnerusukkut.
Naalakkersuisut februaarip aqqarnani ataatsimiikkamik Tunngaviusumik Inatsisissaq pillugu Isumalioqatigiissita qinnuteqaataa akuerisimavaat.
Sulineq tamalikassimasoq
Taamaalilluni Tunngaviusumik Inatisissaq pillugu Isumalioqatigiissitap sulinera tamalikattumik ingerlasimasoq immikkut millionit nalingannik akileraartartut akilertussanngorpaat.
2021-mi Tunngaviusumik Inatsisissaq pillugu Isumalioqatigiissitap suliaqarneranut to millioner koruuningajalluinnarnik immikkoortitsisoqarsimavoq. Naalakkersuisut ataatsimiinnerannit imaqarniliami atuarneqarsinnaavoq, isumalioqatigiissitap suliaqarneranut immikkut aningaasartuutissat 2020-mut aningaasanut inatsisissamut ilanngunneqassasut.
Sulinerup sooq sivitsorniarneqarnera imaqarniliami tunngavilersorneqarsimanngilaq. Coronamulli atatillugu killilersuutit assigiinngitsut nunami innuttaasunik ataatsimiisitsisarnikkut innuttaasunik peqataatitsiniarnermut aporfiusimasut naassuiaatigineqassappat tupaallaatigineqarnavianngilaq.
Siumumeersoq Ineqi Kielsen isumalioqatigiissitami siulittaasuuvoq.