Skip to main content

Tunngaviusumik inatsisissaq pillugu isumalioqatigiissitami Doris siulittaasunngorpoq

Tunngaviusumik inatsisissaq pillugu isumalioqatigiissitami kikkut ilaasortaassanersut aamma sinniisuussanersut Naalakkersuisut aalajangerpaat. Naalakkersuisuusimasoq Doris J. Jakobsen Siumumeersoq siulittaasuussaaq.

Siumup Doris J. Jakobsenip Tunngaviusumik inatsisissamut isumalioqatigiissitami siulittaasussatut toqqarpaa. Qinersinermi kingullermi partii annersaasoq siulittaasumik toqqaasussaatitaasarpoq.

Doris J. Jakobsen taamaalilluni ukiaq naalakkersuisunit tunuarniarluni aalajangernermi kingorna saammaanneqarsimarpasippoq, benziinamut akiliummik Namminersorlutik Oqartussanit tunniunneqartumik atuivallaarnikuunini pissutigalugu.

Siulittaasup tullianik IA toqqaasussaatitaavoq, tassani Kuupik Kleist toqqarneqarpoq.

- Tunngaviusumik Inatsisissaq pillugu Isumalioqatigiissitaq katitigaanermigut politikkikkut siammasissumik sinniisutut aallartitaqarnissamik kissaateqarluni isumalioqatigiissitaavoq, suliamut ilisimasaqarluartunik, Kalaallit Nunaat pillugu ilisimasaqarnermikkut piukkunaateqarluarlutik Kalaallit Nunaata innuttai oqaluttuarisaanera kulturialu tunngaviusumik inatsisiliorlutik suliaqarnerminni siummersuummik allaaserisaqartussaallutik, Tunngaviusumik inatsisissaq pillugu isumalioqatigiissitap sulineranut naalakkersuisoq, Vittus Qujaukitsoq, nalunaarummi taama ilisimatitsivoq.

Ilaasortassatut toqqarneqartut ukuupput:

  • Siulittaasoq: Doris J. Jakobsen, Siumut 
  • Siulittaasup tullia: Kuupik Kleist, Inuit Ataqatigiit 
  • Ilaasortaq: Nivi Olsen, Demokraatit
  • Ilaasortaq: Per Rosing-Petersen, Partii Naleraq
  • Ilaasortaq: Bentiaraq Ottosen, Atassut
  • Ilaasortaq: Aleqa Hammond, Nunatta Qitornai
  • Ilaasortaq: Louis Sigurdsen, Suleqatigiissitsisut

Sinniisussatut toqqarneqartut ukuupput:

  • Suinni L. Johansen, Siumut
  • Marianne Jensen, Inuit Ataqatigiit
  • Steen Lynge, Demokraatit
  • Dorthe Zeeb Kristiansen, Partii Naleraq
  • PanínguaK M. Kruse, Atassut
  • Ole Aggu Markussen, Nunatta Qitornai
  • Anita Hoffer, Suleqatigiissitsisut

- Nuannaarutigaara, Tunngaviusumik Inatsisissaq pillugu Isumalioqatigiissitaq maanna sulisinnaanngormat. Tamannalu nunatta siunissaanut sulineruvoq. Isumalioqatigiissitap suliassaraa, isumaliutissiissumik Tunngaviusumik Inatsisissap imassaanik siunnersuusiortussaalluni, nunatta siunissami namminersulernissaanut atuuttussamik. Isumalioqatigiissitap suliaata naammassineqarnerata kingorna isumaliutissiissutip inatsisissatullu siunnersuutip suliareqqinneqarnissaa Inatsisartunit aalajangiiffigineqassapput. Tassungalu ilanngullugu tunngaviusumik inatsisissamut missingiusiaq innuttaasunit qinersissutigineqassanersoq kiisalu isumaliutissiissut tunngaviusumillu inatsisissamut missingiusiaq innuttaasunit oqallisigineqarnissaata annertussusissaa qanorlu ingerlanneqarnissaa aalajangiiffigineqassallutik, Vittus Qujaukitsoq oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER