Tunngaviusumik inatsisissaq pillugu isumalioqatigiisitap allattoqarfia nutaamik pisortartaartoq
Johan Lund Olsen tunngaviusumik inatsisissaq pillugu isumalioqatigiissitap allattoqarfiani ukiuni pingasuni pisortaareerluni taamaatippoq. Paarlallugu Karen Kiær Jakobsen pisortanngortinneqarpoq.
Karen Kiær Jakobsenip, Johan Lund Olsen ukiuni pingasuni allattoqarfimmi pisortaasimasoq, taarserlugu juunip aallaqqaataani pisortanngorpoq.
Karen Kiær Jakobsen inatsisilerituutut ilinniagaqarpoq, Namminersorlutillu Oqartussani ukiorpassuarni sulisimalluni.
Kingullermik Aningaasaqarnermut Naalakkersuisoqarfimmi Tunngaviusumik inatsisissamut immikkoortortaqaffimmi immikkut siunnersortitut atorfeqarsimalluni.
- Atorfinitsitsinitsinni pingaartissimavarput inatsisilerituut ilinniagaqarsimaneq aamma inatsisinut tunngatillugu suliaqarsimaneq misilittagaqarnerlu. Nunatta tunngaviusumik inatsisissaanik suliaqarnitsinni Karen Kiær Jakobsenip suliassamut ilisimasalittut pisortaanissaa allattoqarfimmilu pisortaanissaa neriuuteqarfigaarput, Tunngaviusumik inatsisissaq pillug isumalioqatigiissitami siulittaasoq Ineq Skourup Kielsen oqarpoq.
Karen Kiær Jakobsen 41-nik ukioqarpoq marlunnillu erneqarluni.