Skip to main content

Tunngaviusumik inatsisissamut tunngavissiaq isumaqatigiinngissutaasoq

Tunngavissiaq inatsisissatut siunnersuummut naapertuutinngikkaluartoq aammaarlugu Inatsisartut saqqummiunneqassanngilaq. Naak isumalioqatigiissitami siulittaasup Vivian Motzfeldtip piumasarigaluaraa

Tunngaviusumik inatsisissamut isumalioqatigiissitap suut suliassat siulliunneqassanersut isumaqatigiinngissutigineqarpoq.

Namminiilivinnginnermi namminiilivikkuttalu tunngaviusumik inatsit suliarineqartariaqartoq naalakkersuisup Suka K. Frederiksen (S) isumaqarpoq.

Kalaallit Nunaata namminiilivinnissaanut tunngaviusumik inatsisit kisimi suliarineqassasoq parteeqataa isumalioqatigiissitami siulittaasoq Vivian Motzfeldt isumaqarpoq.

Isumalioqatigiissitap inatsisissatut siunnersuutip oqaaseqaataa avaqqutaaraat

Isumalioqatigiissitap sulissaanut ilisilersuinerit marluk assigiinnsinnerisa isumaqatigiinnginneq pilersippaa.

Aappaa Suka K. Frederiksenip (S) isumalioqatigiissitamut saqqummiinermini saqqummiussaraa.  

- Tunngaviusumik Inatsisilerinermut Isumalioqatigiissitaq Nunatsinni tunngaviusumik inatsisissatut siunnersuummik sukkassutsit asigiinngitsut marluit atorlugit suliaqassaaq, aappaani tunngaviusumik inatsit Namminersorlutik Oqartussani atuuttussanngortinneqarsinnaassaaq Danmarkimilu tunngaviusumik inatsimmut ilassutaalluni, nunatsinnut tunngatillugu Danmarkip naalagaaffiata killilersuinerisa iluini. Tunngaviusumik inatsisip aappaa nunarput Danmarkimit avissaarpat tassanilu tunngaviusumik inatsimmmut ilaajunnaarpat aamma kalaallit inuit namminerisaminnik naalagaaffimmik pilersitsereerpata aatsaat atuuttussanngortinneqassaaq, taama allassimasoqarpoq.

Novembarilli qaammataani tunngaviusumik inatsisissamut Inatsisartut tuaviortumik suliaqarneranni ataatsimiisitaliaq allaanerusumik inerniliussivoq.

- Isumalioqatigiissitamik aalajangersaanermut tunngatillugu Naalakkersuisuni ilaasortat amerlanerussuteqartut suliassat periutsimi taaneqartumi 3.2-p ataani ilaatinneqassasut kaammattorneqarput, taamaalilluni tunngaviusumik inatsisinik isumalioqatigiissitaq tunngaviusumik inatsisissatut siunnersuummik naalagaaffeqatigiinnermit aninermi akuersissutigineqartussamik atuuttussanngortinneqartussamillu inatsisissatut siunnersuusiussaaq – tassa imaappoq nunatsinni naalagaaffimmi namminiivissortumi tunngaviusumik inatsisissatut siunnersuusiussasut.

Inatsisartut peqataanissaat piumasaraa

Allagaq taanna atuuttoq Vivian Vivian Motzfeldt (S) isumaqarpoq.

- Ataatsimiittarfimmiuna aalajangerneq atuuttussaasoq, taanna Sermitsiamut oqarpoq.

Isumalioqatigiissitallu suliarineqarnera pissusissamisoortoq taanna isumaqarpoq.

- Suliap ingerlaneranut atatillugu Naalakkersuisunit "Kalaallit tunngaviusumik inatsisiliornissamut ataatsimiititaliaannik pilersitsinissaq pillugu nassuiaat" allanngortinneqassasoq siunertarineqanngilaq, Sermitsiaq.AG-mut allappoq.

Vivian Motzfeldilli (S) allannguut Inatsisartunut saqqummiunneqartariaqatoq piumasaraa.

- Aap, assigiinngittoqartoq takuara, isumaqarpungali Naalakkersuisut Inatsisartut aalajangingaannut avaqqutaaralutik allanngortiterissanngitsut, Inatsisartunut oqarpoq.

Ataatsimiititaliaq tusaaneqarpoq

Inatsisartulli novembarip 21-ani aalajangiinermut peqataatinneqarsimasut Suka K. Frederiksen (S) oqarpoq.

Inatsisartummi Isumalioqatigiissitaliortoqassasoq akuersissutigaat. Inatsisinut Ataatsimiititaliap ilaasotaasa ilaannit isumalioqatigiissitaliap suliaanik immikkut eqqumaariffigineqassasoq aalajangiunneqarluni. Taakku isumalioqatigiissitap suliaanik malinnaatinneqartussanngorlutik.

Namminiilivinnissamut naalakkersuisup taamanna malillugu sulisoqarsimasoq naqissuserpaa. Isumalioqatigiissitamummi allannguutit ataatsimiititaliamut tusarniaassutigineqareersimammata.

- Tunngaviusumik inatsisissamut isumalioqatigiissitamut ilaasortatut innersuunneqartut inatsisissatullu siunnersuut tusarniaassutigineqareernikuupput, ataatsimiititaliallu oqaaseqaataat isumalioqatigiissitami suliarineqareerlutik, Suka K. Frederiksen (S) akissummini allappoq.

Suliallu ingerlasimanera Naalakkersuisut siorna decembarip 12-ani naapertorlugu aalajangiuppaat.

- Kalaallit Nunaata tunngaviusumik inatsisissaanut Naalakkersuisut siunnersuummik isumalioqatigiissitamut ingerlateqqitassamik suliaqarput.  Taanna tunngaviusumik Inatsisissamut Isumalioqatigiisitamut tusarniaassutigineqarpoq Naalakkersuisunit akuerineqartinnani, aalajangiisoqarneranut taama tunngavilersortoqarpoq.

Atuutileriaannaavoq

Isornatorsiuisoqartariaqanngitsoq Suka K. Frederiksen (S) isumaqarpoq.

Inatsisip tunngaviusussap ilaa suliarineqareersimanera iluaqutaasoq tunngaviusumillu inatsisissamut isumalioqatigiissitap suliani ukiut marluk pingasulluunniit qaangiuppata piareerpaga atuutsinneqalersinnaasoq taanna isumaqarpoq.

- Namminiilivinnissamut suli piareersimasoqanngitsoq paasineqaraluarpat una maanna suliarineqartoq atuutsinneqalersinnaanera periarfissaavoq, akissummini allappoq. 

AAMMA ATUARUK: Naalakkersuisut Inatsisartunut Tunngaviusumik inatsimmi akerliupput

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER