namminersulivinneq
Tunngaviusumik inatsiseqalernissamut isumalioqatigiissitami inissat agguataarneqartut
Siumut siuli aasumik toqqaassaaq, Inuit Ataqatigiillu siuli aasup tullersortissaanik toqqaassallutik – partiit illuatungiliu ut anginersaannit Demokraatinit tamanna oqimaaqatigiinngitsumik agguataarinertut oqaatigineqarpoq
Nunatta tunngaviusumik inatsiseqalernissaanut isumalioqatigiissitaq, Inatsisartunit ukiakkut ataatsimiinnermi ataasinngornermi novembarip 21-ani pilersinneqartussatut aalajangiunneqartoq, politikkikkut partiit akornanni Inatsisartuni angissusaat aallaavigalugit agguataarneqartussanik arfineq-marlunnik ilaasortaqassaaq: Inissat marluk Siumumut, inissat marluk Inuit Ataqatigiinnut, inissaq ataaseq Demokraatinut, inissaq ataaseq Partii Naleqqamut inissarlu ataaseq Atassummut.
Atuaruk: Tunngaviusumik inatsisiliornissamut ataatsimiititaliaq Inatsisartunit suliaripallanneqartoq
Demokraatit Inatsisinut Ataatsimiititaliamut ilaasortaatitaata Michael Rosingip partiinit kikkut isumalioqatigiissitamut inassuteqaatigineqarnissaat pissanngatigaa.
Atuaruk: Namminiilivinnissamut angertut amerlanerussuteqarluartut
– Apeqqutaavoq teknikkikkut piginnaanilimmik isumalioqatigiissitaqarusunnersugut imaluunniit politikkikkut isumalioqatigiissitaqarusunnersugut, partiillu ilaasortanik ataatsimik amerlanerpaamillu marlunnik taamaallaat toqqaassammata namminneq politikerertaminnik toqqaanissaat ernummatigisinnaavara, Michael Rosing Sermitsiamut oqarpoq.
Atuaruk: Tunngaviusumik inatsisissamut isumalioqatigiissitamut amerlanerussuteqartut
Naalakkersuisut isumalioqatigiissitamut aalajangersimasumik suleqataasussanik marlunniit sisamanut aamma toqqaasinnaapput.
– Tamatumani aamma apeqqutaassaaq, taakkua tassaassanersut suliamut ilisimasaqartut imaluunniit inuit Naalakkersuisut, partiit pingasut tamarmik namminiilivinnissamik anguniagaqarfigisaata, politikkikkut isumaqatigisaat, Michael Rosing oqarpoq.
Sermitsiami saqqummertumi nutaami atuaqqigit: