Tunngaviusumik inatsit
Tunngaviusumik Inatsimmut isumalioqatigiissitami kina siulittaasunngussanersoq takuuk
Politikerip namminiilivinnissap ilungersuutigineqarnerani sukkasuumik sulisoqarnissaanik kissaateqartup, isumalioqatigiissitami siulittaasuuffik pingaarutilik maanna inissisimaffigilissavaa. Siumumi avissaartuussimasumi unammilluni qinersisoqarneratigut tamanna pivoq
Nunatsinni partiit annersaata, Siumup, Inatsisartut siulittaasuat Lars-Emil Johansen, isumalioqatigiissitamut Inatsisinik Tunngaviusunik suliaqartussamut ilaasortassatut innersuunniarpaa.
AG-mit tamanna paasineqarpoq.
Tunngaviusumik inatsit nutaaq
Taamaalilluni aamma paasinarsivoq, Lars-Emil Johansen isumalioqatigiissitami siulittaasunngussasoq, isumalioqatigiissitallu inatsisinut tunngaviusussanut siunnersuusiorluni sulinini upernaap ingerlanerani aallartissavaa.
Allakkani paasissutissiissutigineqartuni Naalakkersuisunit partiinut nassiunneqartuni pilersaarutigineqarpoq, Inatsisinut Tunngaviusunut Isumalioqatigiissitamut siulittaasunngortussaq partiimit Naalakkersuisuni amerlanerussuteqartumit toqqarneqassaaq. Siulittaasup tullia partiip annersaasup tullianit innersuussutigineqassaaq: IA-mit.
Allaaserisaq AG-p e-aviisiani nutaami saqqummersumi atuarsinnaavat, Lars-Emil Johansenillu nuimasumik atorfeqalernissaanut siunnersuutit ilanngullugit atuarsinnaallugit.